വിമാനസര്വ്വീസ് പുനരാരംഭിക്കാന് ഒമാനിലെ വിമാനത്താവളങ്ങള് സജ്ജം; പ്രവാസികൾക്ക് സന്തോഷ വാർത്തയുമായി ഗതാഗത മന്ത്രി
കൊറോണ വൈറസ് വ്യാപനത്തെ തുടർന്ന് ലോകമൊട്ടാകെ പ്രഖ്യാപിച്ച ലോക് ഡോണിനെ തുടർന്ന് നിരവധിപേരാണ് യാത്ര ചെയ്യാനാകാതെ കുടുങ്ങിപ്പോയത്. അതേസമയം ലോക്ക് ഡൗൺ പ്രഖ്യാപിച്ച് മാസങ്ങൾ പിന്നിടുമ്പോൾ, സർവീസുകൾ ആരംഭിക്കാൻ തയ്യാറായി നിൽക്കുകയാണ് വിമാനങ്ങൾ. എന്നിരുന്നാൽ തന്നെയും ഘട്ടം ഘട്ടമായി മാത്രമാണ് ഈ സാഹചര്യത്തിൽ സർവീസുകൾ ആരംഭിക്കുക. അത്തരം ഒരു സാഹചര്യത്തിൽ വിദേശികൾക്ക് നിർണായകമായ തീരുമാനവുമായി രംഗത്ത് എത്തിയിരിക്കുകയാണ് ഒമാൻ ഗതാഗത മന്ത്രി
അതായത് സര്വീസ് പുനരാരംഭിക്കാന് ഒമാനിലെ വിമാനത്താവളങ്ങള് തയ്യാറാണെന്ന് ഒമാന് ഗതാഗത മന്ത്രി ഡോക്ടര് അഹമ്മദ് അല് ഫുടൈസി വ്യക്തമാക്കുകയുണ്ടായി. കൊവിഡിനെതിരായ എല്ലാ പെരുമാറ്റച്ചട്ടങ്ങളും പാലിച്ചുകൊണ്ടുള്ള പ്രവര്ത്തനങ്ങള്ക്ക് ഒമാനിലുള്ള എല്ലാ വിമാനത്താവളങ്ങളും സജ്ജമായിക്കഴിഞ്ഞുവെന്നും മന്ത്രി വാര്ത്താ സമ്മേളനത്തില് വ്യക്തമാക്കിയിരുന്നു.
ഇതേതുടർന്ന് രാജ്യത്തെ വിമാനത്താവളങ്ങള് തുറന്നു പ്രവര്ത്തിക്കുവാനുള്ള അംഗീകാരത്തിനായി ഒമാന് സുപ്രീം കമ്മിറ്റി മുന്പാകെ നിര്ദ്ദേശങ്ങള് സമര്പ്പിച്ചതായി മന്ത്രി അഹമ്മദ് അല് ഫുടൈസി ചൂണ്ടിക്കാട്ടി. എന്നാല് തുറന്നു പ്രവര്ത്തിക്കുന്ന തീയതി എന്നാണ് എന്നത് മന്ത്രി വെളിപ്പെടുത്തിയിട്ടില്ല.
https://www.facebook.com/Malayalivartha
