കൊറോണ വ്യാപനത്തിന്റെ പശ്ചാത്തലത്തിലും പ്രവാസികളെ കൈവിടാതെ യുഎഇ. കാത്തിരിക്കുന്നത് രണ്ട് ലക്ഷംപേരെ. ഇങ്ങനെ ദുബായിൽ തിരിച്ചെത്തുന്നവർക്കു വീട്, ഹോട്ടൽ എന്നിവിടങ്ങളിലെ ക്വാറന്റീൻ നിബന്ധനകൾ ദുബായ് ടൂറിസം വകുപ്പ് ഇതിനോടകം തന്നെ പുറത്തുവിട്ടു. താമസ സ്ഥലങ്ങളിൽ ക്വാറന്റീൻ സൗകര്യം ഇല്ലാത്തവർക്ക് സ്വന്തം ചെലവിൽ ഹോട്ടൽ മുറി ഉപയോഗിക്കാമെന്ന് വ്യക്തമാക്കുകയുണ്ടായി. എന്നാൽ പുറത്തുവിട്ട ഹോട്ടലുകളുടെ പട്ടിക ദുബായ് ടൂറിസം വെബ്സൈറ്റിൽ ലഭ്യമാണ്.

അതോടൊപ്പം തന്നെ യുഎഇ താമസ വീസയുള്ള 2 ലക്ഷം പേർ ഇന്ത്യയിൽ നിന്നടക്കം ലോകത്തിന്റെ വിവിധ ഭാഗങ്ങളിൽ നിന്ന് യുഎഇയിൽ തിരിച്ചുവരാനുള്ളതായി ഫെഡ‍റൽ അതോറിറ്റി ഫോർ െഎഡൻ്റിറ്റി ആൻഡ് സിറ്റിസൺഷിപ്പ് കഴിഞ്ഞ ദിവസം വെളിപ്പെടുത്തിയിരുന്നു. ഇത്തരത്തിൽ തിരിച്ചെത്തുന്നവർക്ക് 14 ദിവസത്തെ ക്വാറൻ്റീൻ നിർബന്ധമാക്കിയിരിക്കുകയാണ്. യോഗ്യതയുള്ള ഹോട്ടലുകൾ, നിരക്കുകൾ ദുബായ് ടൂറിസം ഇതോടൊപ്പം ലഭ്യമാക്കിയിട്ടുണ്ട്. തിരിച്ചെത്താനുള്ള വിമാന ടിക്കറ്റ് ബുക്കിങ് സമയത്തും ശേഷവും ഈ വിവരങ്ങൾ അവർക്ക് നൽകുന്നതായിരിക്കും.

ഇത്തരത്തിൽ തിരിച്ചെത്തുന്നവർ കോവിഡ് പരിശോധനയ്ക്ക് നിര്ബന്ധമായും വിധേയരാകണം. വിമാനത്താവളത്തിൽ അവർക്ക് നൽകുന്ന നിർദ്ദേശങ്ങൾ പാലിക്കണമെന്നും COVID-19 DXB ആപ്ലിക്കേഷനിൽ റജിസ്റ്റർ ചെയ്യണമെന്നും അറിയിക്കുകയുണ്ടായി. ഹോം ക്വാറന്റീനു വേണ്ടിയുള്ള അപേക്ഷകൾ കൃത്യമായി പരിശോധിക്കണം. തൃപ്തികരമല്ലെന്ന് കണ്ടെത്തിയാൽ ഹോട്ടൽ ബുക്കിങ് ആവശ്യമാണ് എന്നാണ് ലഭ്യമാക്കിയിട്ടുള്ള നിബന്ധനകളിൽ പറയുന്നത്..

പിന്നെയുള്ളത്, യാത്രക്കാർ പതിവ് ഇമിഗ്രേഷൻ, ബാഗേജ് പിക്കപ്പ് നടപടിക്രമങ്ങളിലൂടെ കടന്നുപോകുന്നതായിരിക്കും. മറ്റ് എമിറേറ്റുകളിലേക്കുള്ള യാത്രയുടെ കാര്യത്തിൽ വീണ്ടും നിബന്ധനകളുണ്ട് . ഗതാഗതം യാത്രക്കാർ തന്നെ സംഘടിപ്പിക്കണം എന്നതാണ്. ഇതിലൂടെ സാമൂഹിക അകലം പാലിക്കേണ്ടതും അത്യന്താപേക്ഷിതമാണ്. ക്വാറൻ്റീൻ കാലയളവിൽ മുറിക്കുള്ളിൽ തന്നെ കഴിയേണ്ടതാണ്. മൊബൈൽ ആപ്ലിക്കേഷൻ വഴി ടെലി ഡോക്ടർ സേവനം 24 മണിക്കൂറും ലഭ്യമാക്കുന്നതായിരിക്കും.