പ്രവാസികൾക്ക് ആശ്വാസമായി കോവിഡ് 19 മുന്നണിപ്പോരാളികളാകാൻ ഇന്ത്യയിൽ നിന്ന് 57 ആരോഗ്യപ്രവർത്തകർ അടങ്ങുന്ന സംഘം കൂടി ദുബായിലെത്തി. ഏറ്റവും കൂടുതൽ പ്രവാസികൾ കോവിഡിന് കീഴടങ്ങുന്ന സാഹചര്യത്തിൽ കേരളത്തിൽ നിന്നെത്തുന്ന മെഡിക്കൽ സംഘം വളരെ വലിയ ആശ്വാസമാകും നൽകുക. ഇതുവരെ ഗൾഫ് രാഷ്ട്രങ്ങളിൽ ആകെ മരിച്ച മലയാളികളിടെ എന്ന 119 ആണ്. ഇതിൽ ഏറ്റവും കൂടുതൽ മരണം രേഖപ്പെടുത്തിയത് യുഎഇയിൽ തന്നെയാണ്. ഇത് പ്രവാസികളിൽ ഭീതി ഉളവാക്കിയിരുന്നു. ഇത്തരം സാഹചര്യത്തിലാണ് കേരളത്തിൽ നിന്നുള്ള മെഡിക്കൽ സംഘം യുഎഇയിലേക്ക് എത്തുന്നത്.

അതേസമയം ഇവരിൽ 21 പേർ ആസ്റ്റര്‍ ‍ഡിഎം ഹെൽത്ത് കെയറിൽ നിന്നുള്ളവരാണ്. കൊച്ചിയിൽ നിന്ന് പുറപ്പെട്ട സംഘം യുഎഇ സമയം ഇന്ന് പുലർച്ചെ 1.30നാണ് ദുബായിൽ എത്തിയത്. ദുബായ് ഹെൽത്ത് അതോറിറ്റി, ദുബായ് ആംബുലൻസ്, ആസ്റ്റർ ഡ‍ിഎം ഹെൽത്ത് കെയർ എന്നിവയുടെ കൂട്ടായ ശ്രമമാണ് സംഘത്തിന്റെ വരവിന് പിന്നിലെന്ന് ഇന്ത്യയിലെ യുഎഇ എംബസി ട്വീറ്റ് ചെയ്യുകയുണ്ടായി. എന്നാൽ ഇന്ത്യയിൽനിന്ന് യു.എ.ഇയിലെത്തുന്ന മൂന്നാമത്തെ മെഡിക്കൽ സംഘമാണിത്. ആസ്റ്റര്‍, മെഡ്കെയര്‍ ജീവനക്കാര്‍ എത്തിയത് യു.എ.ഇയിലെ കോവിഡ് രോഗികള്‍ക്ക് ഗുണനിലവാരമുള്ള പരിചരണം നല്‍കാനുള്ള തങ്ങളുടെ ശ്രമങ്ങളെ ശക്തിപ്പെടുത്തുമെന്ന് ആസ്റ്റര്‍ ഡി.എം ഹെല്‍ത്ത് കെയര്‍ ഡെപ്യൂട്ടി മാനേജിങ്ങ് ഡയറക്ടര്‍ അലീഷാ മൂപ്പന്‍ വ്യക്തമാക്കി.

ദുബായ് ഹെൽത്ത് അതോറിറ്റി, ദുബായ് ആംബുലൻസ്, ആസ്റ്റർ ഡ‍ിഎം ഹെൽത്ത് കെയർ ജീവനക്കാരായ ഇവരെല്ലാം അവധിക്ക് നാട്ടിൽ ചെന്ന് ലോക് ഡൗൺ കാരണം കുടുങ്ങിയതാണ്. ‍യുഎഇയിലെ കോവിഡ് രോഗികൾക്കു വേണ്ടി കൂടുതൽ ശക്തമായി പ്രവർത്തിക്കാൻ സംഘത്തിനാകുമെന്ന് പ്രതീക്ഷിക്കുന്നതായി ആസ്റ്റർ ഡിഎം ഹെൽത്ത് കെയർ ഡെപ്യുട്ടി മാനേജിങ് ഡയറക്ടർ അലീഷാ മൂപ്പൻ വ്യക്തമാക്കുകയുണ്ടായി. നേരത്തെ യുഎഇയിലെത്തിയ അടിയന്തര വിഭാഗങ്ങളിൽ സേവനം ചെയ്യുന്ന 88 ആരോഗ്യപ്രവർത്തകരോടൊപ്പം ആസ്റ്ററിന്റെ ജീവനക്കാർ പ്രവർത്തിക്കുന്നതായിരിക്കും. ജീവനക്കാരുടെ സുരക്ഷിതമായ തിരിച്ചുവരവ് വേഗത്തിലാക്കാന്‍ എല്ലാ നടപടികളും സ്വീകരിച്ചതിന് യുഎഇ സര്‍ക്കാര്‍, ദുബായ് ഹെല്‍ത്ത് അതോറിറ്റി, ഇന്ത്യയിലെ യുഎഇ എംബസി, ദുബായിലെ ഇന്ത്യന്‍ കോണ്‍സുലേറ്റ് എന്നിവര്‍ക്ക് നന്ദി അറിയിക്കുകയും ചെയ്തിരുന്നു.