കൊറോണ വ്യാപനത്തെ തുടർന്ന് ദുരിതത്തിലായ പ്രവാസികൾ ഏതുവിധേനയും നാട്ടിലെത്താൻ കാത്തിരുന്ന സാഹചര്യത്തിൽ നേരിയ ആശ്വാസം നൽകിയ വാർത്തയായിരുന്നു, വന്ദേ ഭാരത് മിഷൻ അതോടൊപ്പം തന്നെ പ്രവാസി സംഘടനകളുടെ ചാർട്ടേർഡ് വിമാനങ്ങളും. എന്നാൽ അവിടെയും കഴിഞ്ഞില്ല, പ്രവാസികളായ മലയാളികൾക്ക് കോവിഡ് ടെസ്റ്റ് കഴിഞ്ഞാൽ മാത്രമേ വിമാനത്തിൽ കയറാൻ സാധിക്കുകയുള്ളു എന്ന വിധത്തിലായി കാര്യങ്ങൾ. ദുരിതക്കയത്തിൽ നിന്നും ഓടിയകലാൻ നോക്കുന്ന പ്രവാസികൾക്ക് വീണ്ടും ദുരിതം എന്നപോലെ.

എന്നാലിതാ കോവിഡ് ടെസ്റ്റ് നടപ്പിലാക്കുന്നത് നീട്ടി വെച്ചതിന്‍റെ ആശ്വാസത്തിലാണ് സൌദിയിലെ പ്രവാസികള്‍. കാര്യത്തിലെ പ്രായോഗിക പ്രശ്നം സര്‍ക്കാറിന് തന്നെ ബോധ്യപ്പെട്ടതോടെ വിമാനങ്ങള്‍ ഇന്നു മുതല്‍ പഴയപോലെ നാട്ടിലെത്തുന്നതായിരിക്കും. വിമാനത്തിലേക്ക് വരുന്ന മുഴുവന്‍ യാത്രക്കാരും കോവിഡ് പ്രതിരോധ കിറ്റ് ധരിച്ചാണ് പുറപ്പെടുന്നത്. ഈ മാസം 25-നകം കോവിഡ് ടെസ്റ്റ് വിഷയത്തില്‍ പരിഹാരമായില്ലെങ്കില്‍ സംസ്ഥാന സര്‍ക്കാര്‍ തല്‍സ്ഥിതി തുടരാന്‍ അനുവദിക്കുമെന്നാണ് പ്രവാസികളുടെ പ്രതീക്ഷ എന്നത്.

അതോടൊപ്പം തന്നെ കോവിഡ് ടെസ്റ്റ് നടത്താനുള്ള സര്‍ക്കാര്‍ നിര്‍ദേശത്തോടെ ആശങ്കയിലായിരുന്നു സൗദിയിലെ മലയാളികള്‍. ഇതോടെ മുപ്പതിനായിരം രൂപ വരെ കൊടുത്ത് ടെസ്റ്റ് നടത്തിയവരും അനവധിയാണ്. ചിലര്‍ സ്വകാര്യമായി റാപ്പിഡ് ഫലങ്ങളും സംഘടിപ്പിക്കുകയും ചെയ്തു. സൗദി മന്ത്രാലയ അനുമതിയില്ലാത്ത ടെസ്റ്റ് രീതിയിലേക്കടക്കം പ്രവാസികള്‍ രഹസ്യമായി നീങ്ങിയത് യാത്ര നഷ്ടമാകുമെന്ന ഭീതിയിലാണ് ഉണ്ടായിരുന്നത്. ഇതിനിടയിലാണ് പ്രായോഗിക പ്രശ്നം ബോധ്യപ്പെട്ട സംസ്ഥാന സര്‍ക്കാര്‍ ഉത്തരവ് നടപ്പാക്കുന്നത് നീട്ടി വെച്ചത് എന്ന വാർത്തകളാണ് വന്നത്.

ഇതേതുടർന്ന് ഇന്നു മുതല്‍ ഇതോടെ പത്തിലേറെ ചാര്‍ട്ടേഡ് വിമാനങ്ങളും ഒരു വന്ദേഭാരത് വിമാനവും നാട്ടിലെത്തുന്നതായിരിക്കും. നിലവില്‍ കോവിഡ് പകരാതിരിക്കാന്‍ നഴ്സുമാര്‍ ധരിക്കുന്ന ആവരണവും മാസ്കും ഗ്ലൌസും ഫെയ്സ് ഷീല്‍ഡും ധരിച്ചാണ് ഓരോ യാത്രക്കാരനും ഗള്‍ഫില്‍ നിന്ന് പുറപ്പെടുന്നത് തന്നെ. ആയതിനാൽ ഇതു തന്നെ കോവിഡ് പടരാതിരിക്കാന്‍ സഹായിക്കുമെന്നും ആരോഗ്യ രംഗത്തുള്ളവര്‍ ചൂണ്ടിക്കാട്ടുകയാണ്. കേന്ദ്രത്തിന്റെ പിന്തുണയോടെ മാത്രമേ സംസ്ഥാനത്തിന് സൌദിയിലും ടെസ്റ്റ് നടത്തല്‍ സാധ്യമാകൂകയുള്ളു. ഈ മാസം 25നകം പരിഹാരമായില്ലെങ്കിലും തല്‍സ്ഥിതി തുടരാനാണ് സാധ്യത എന്നാണ് ലഭ്യമാകുന്ന വിവരം.