കൊറോണ വ്യാപനത്തിന്റെ ആദ്യനാൾ മുതൽക്കേ തന്നെ ദുരിതത്തിന് കയ്പുനീർകുടിക്കുകയാണ് പ്രവാസികൾ. തോഴി നഷ്ടപ്പെടും വിസ കാലാവധി അവസാനിച്ചതും പ്രവാസികൾക്ക് കനത്ത തിരിച്ചടിയാണ് നൽകിയത്. അതിനേക്കാളേറെ വേദന നൽകുന്ന സംഭവമാണ് ഇന്നലെ ഉണ്ടായ വിമാനാപകടം. ദുഃഖം രേഖപ്പെടുത്തി നിരവധിപേരാണ് രംഗത്ത് എത്തിയിരിക്കുന്നത്. ഇതേതുടർന്ന് തന്റെ അഗാധമായ ദുഃഖം രേഖപ്പെടുത്തി രംഗത്ത് എത്തിയിരിക്കുകയാണ് ദുബായിലെ സാമൂഹ്യപ്രവർത്തകനായ അഷ്‌റഫ് താമരശ്ശേരി.

'സ്വന്തം കുടുംബം പോറ്റാൻ പ്രവാസ ലോകത്തെത്തിയ സഹോദരന്മാർ. നാടിന്റെ പച്ചപ്പെന്ന ആഹ്ലാദത്തിലേക്ക് എത്തിപ്പെടാൻ നിമിഷങ്ങൾ ബാക്കി നിൽക്കെ അപ്രതീക്ഷിതമായി വന്നു ചേർന്ന ദുരന്തത്തിൽപ്പെട്ടുപോയ സഹോദരങ്ങളുടെ ദേഹവിയോഗത്തിൽ അതിയായ ദുഃഖം അനുഭവപ്പെടുന്നു' എന്നും രേഖപ്പെടുത്തുകയാണ്.

ഫേസ്ബുക് പോസ്റ്റ് ഇങ്ങനെ;

പ്രിയപ്പെട്ടവരുടെ ദേഹവിയോഗ ദുഃഖത്തിൽ ഹൃദയപൂർവ്വം പങ്കുചേരുന്നു. സ്വന്തം കുടുംബം പോറ്റാൻ പ്രവാസ ലോകത്തെത്തിയ സഹോദരന്മാർ. നാടിന്റെ പച്ചപ്പെന്ന ആഹ്ലാദത്തിലേക്ക് എത്തിപ്പെടാൻ നിമിഷങ്ങൾ ബാക്കി നിൽക്കെ അപ്രതീക്ഷിതമായി വന്നു ചേർന്ന ദുരന്തത്തിൽപ്പെട്ടുപോയ സഹോദരങ്ങളുടെ ദേഹവിയോഗത്തിൽ അതിയായ ദുഃഖം അനുഭവപ്പെടുന്നു. അപകടത്തിൽ പരിക്ക് പറ്റിയ സ്ത്രീകളും കുട്ടികളുമടക്കമുള്ളവർക്ക് എത്രയും പെട്ടന്ന് അശ്വാസം ലഭിച്ച് സാധാരണ ജീവിതത്തിലേക്ക് മടങ്ങാൻ കഴിയട്ടേ എന്ന് പ്രാർത്ഥിക്കുന്നു.

അപകട വിവരം അറിഞ്ഞയുടൻ സ്വന്തത്തെ മറന്ന് ഉറക്കമിളച്ച് രക്ഷാ പ്രവർത്തനത്തിന് ഇറങ്ങിപ്പുറപ്പെട്ട നാട്ടുകാർ , പൊലീസ് , ആംബുലൻസ് , ഡോക്ടർമാർ, നഴ്‌സുമാർ , മാധ്യമ പ്രവർത്തകർ, ഉദ്യോഗസ്ഥർ , നേതാക്കൾ എന്നിവരെ ഹൃദയപൂർവ്വം സ്മരിക്കുന്നു. എല്ലാവർക്കും നല്ലത് മാത്രം വരട്ടേ എന്ന പ്രാർത്ഥനയോടെ.