സന്ദർശക വീസക്കാർക്ക് യുഎഇയിലേയ്ക്ക് ഉടൻ വരാനാകുമെന്നാണ് പ്രതീക്ഷ; നടപടികൾ പൂർത്തീകരിച്ചു, ഇനി ഇന്ത്യൻ ആഭ്യന്തര മന്ത്രാലയം തീരുമാനിക്കണം
പ്രവാസികൾ ജോലിക്കായി ഏറ്റവും കൂടുതൽ ആശ്രയിക്കുന്നത് ഗൾഫ് രാഷ്ട്രങ്ങളെയാണ്, പ്രത്യേകിച്ച് യുഎഇയെ തന്നെയെന്നതിൽ സംശയമില്ല. ഇന്ത്യയിൽ നിന്ന് സന്ദർശക വീസക്കാർക്ക് യുഎഇയിലേയ്ക്ക് ഉടൻ വരാനാകുമെന്നാണ് പ്രതീക്ഷയെന്നും എന്നാൽ, ഔദ്യോഗിക അറിയിപ്പ് വന്ന ശേഷം മാത്രമേ വിമാന ടിക്കറ്റ് ബുക്ക് ചെയ്യേണ്ടതുള്ളൂ എന്നും ഇന്ത്യൻ സ്ഥാനപതി പവൻ കപൂർ പ്രവാസികളോട് അഭ്യർത്ഥിക്കുകയാണ്. എന്നാൽ ഇരു രാജ്യങ്ങളും ഇതിനായുള്ള നടപടികൾ പൂർത്തീകരിച്ചുവരികയാണ്. തുടർന്ന് ഇന്ത്യൻ ആഭ്യന്ത്ര മന്ത്രാലയമാണ് തീരുമാനമെടുക്കേണ്ടത് എന്നും അദ്ദേഹം പറയുകയുണ്ടായി. സിവിൽ വ്യോമയാന മന്ത്രാലയത്തിൽ നിന്ന് അറിയിപ്പ് ലഭിച്ചാൽ രണ്ട് ദിവസത്തിനകം തീരുമാനമുണ്ടാകുമെന്നാണ് കരുതുന്നതെന്നും അദ്ദേഹം ട്വീറ്റ് ചെയ്തിരിക്കുകയാണ്.
അതേസമയം സന്ദർശക വീസ ലഭിച്ച പലരും ഇതിനകം യുഎഇയിലേയ്ക്കുള്ള വിമാന ടിക്കറ്റ് എടുത്തതായി മനസിലാക്കുന്നു. ഔദ്യോഗിക പ്രഖ്യാപനം വന്ന ശേഷം മാത്രമേ ടിക്കറ്റ് ബുക്ക് ചെയ്യേണ്ടതുള്ളൂ എന്ന് ഒരിക്കൽക്കൂടി ഒാർമിപ്പിക്കുകയാണ്. എന്നാൽ കഴിഞ്ഞ ദിവസം കേരളത്തിൽ നിന്ന് സന്ദർശക വീസയിൽ വരാൻ ശ്രമിച്ചവരെ വിമാനത്താവളങ്ങളിൽ നിന്ന് തിരിച്ചയച്ചിരുന്നു. യുഎഇയിലുള്ള കുടുംബത്തിനടുത്ത് എത്താൻ കാത്തിരിക്കുന്ന ഒട്ടേറെ കുടുംബങ്ങൾ കേരളത്തിലടക്കം ഇന്ത്യയിലെ പല ഭാഗത്തും ഉണ്ട്. ലോക് ഡൗൺ കാരണം നാട്ടിൽ ഒറ്റപ്പെട്ടുപോയ കുട്ടികളും ഇവരുടെ കൂട്ടത്തിലുണ്ട്. ഇവര്ക്കെങ്കിലും യാത്ര അനുവദിക്കണമെന്നാണ് മുഖ്യമായുള്ള ആവശ്യം.
https://www.facebook.com/Malayalivartha