കൊറോണ വ്യാപനത്തിന് മുന്നേ നാട്ടിലെത്തിയ `പ്രവാസികൾ യുഎഇയിലേക്ക് യാത്ര ചെയ്യാൻ തയ്യാറുകുന്നു എങ്കിൽ ഇത് ശ്രദ്ധിക്കുക. യാത്രയ്ക്കു മുൻപ് രേഖകളുടെ സാധുത സ്വയം പരിശോധിച്ചു യാത്രാ യോഗ്യമാണോ എന്ന് ഉറപ്പാക്കാനുള്ള സംവിധാനവും അധികൃതർ ഇതിനോടകം തന്നെ ഒരുക്കിയിട്ടുണ്ട്. https://uaeentry.ica.gov.ae വെബ്സൈറ്റിൽ കയറി പാസ്പോർട്ട്, എമിറേറ്റ്സ് ഐഡി നമ്പറുകളും ഏതു രാജ്യക്കാരനാണ് എന്നും ടൈപ്പ് ചെയ്താൽ തത്സമയം വിവരം ലഭിക്കുന്നതാണ്. ഇതിനുശേഷം ടിക്കറ്റ് ബുക്ക് ചെയ്യുന്നതായിരിക്കും ഉചിതം എന്ന് അധികൃതർ വ്യക്തമാക്കുകയാണ്. തുടർന്ന് അംഗീകൃത ലബോറട്ടറികളിൽ നിന്ന് യാത്രയ്ക്ക് 96 മണിക്കൂറിനകം എടുത്ത പിസിആർ ടെസ്റ്റ് നെഗറ്റീവ് സർട്ടിഫിക്കറ്റ് കയ്യിൽ നിർബന്ധമായും കരുത്തേണ്ടതാണ്.

അതോടൊപ്പം തന്നെ യുഎഇ താമസ വീസക്കാർക്ക് യുഎഇയിലേയ്ക്ക് മടങ്ങി വരാൻ ഇന്ന് മുതൽ ഐസിഎ അനുമതി ആവശ്യമില്ല എന്ന നയവും പുറത്തുവരുകയുണ്ടായി. എന്നാൽ, വ്യക്തിപരമായ വിവരങ്ങൾ, എമിറേറ്റ്സ് ഐഡി, പാസ്പോർട്ട് എന്നീ വിവരങ്ങൾ https://uaeentry.ica.gov.ae/ എന്ന വെബ്സൈറ്റിൽ രേഖപ്പെടുത്തുകയും 96 മണിക്കൂറിനുള്ളിൽ കോവിഡ് പരിശോധന നടത്തി നെഗറ്റീവ് റിപ്പോർട്ട് ഹാജരാക്കുകയും വേണമെന്ന് അധികൃതർ അറിയിക്കുകയുണ്ടായി.

കഴിഞ്ഞ ദിവസം അബുദാബി രാജ്യാന്തര വിമാനത്താവളം വഴി യാത്ര ചെയ്യുന്നവർക്ക് മാത്രമായി നൽകിയിരുന്ന ഈ ഇളവ് നൽകിയിരുന്നത് എങ്കിലും ഇനി എല്ലാ വിമാനത്താവളങ്ങൾക്കും ഇത് ബാധകമാണെന്ന് ദേശീയ ദുരന്ത നിവാരണ സേനയും ഐസിഎയും സംയുക്തമായി വ്യക്തമാക്കി. അംഗീകൃത ലാബുകളിൽ നിന്നു കോവി‍ഡ് 19 പിസിആർ പരിശോധന നടത്തി നെഗറ്റീവ് ഫലം ലഭിച്ചവർക്ക് യുഎഇയിലേയ്ക്ക് മടങ്ങാവുന്നതാണ്. ഒപ്പം യുഎഇയുടെ കോവിഡ് പ്രോട്ടോക്കോൾ പാലിക്കാൻ യാത്രക്കാർ സന്നദ്ധരായിരിക്കണമെന്നും അറിയിച്ചു.