കൊറോണ വ്യാപനം തടയുന്നതിന്റെ ഭാഗമായി നിയന്ത്രണങ്ങള്‍ കര്‍ശനമാക്കിയിരിക്കുകയാണ് അജ്മാന്‍ ഭരണകൂടം. കൊവിഡ് പെരുമാറ്റച്ചട്ടങ്ങള്‍ പാലിക്കാതെ പ്രവര്‍ത്തിച്ച 175 വ്യാപാര സ്ഥാപനങ്ങള്‍ അടച്ചുപൂട്ടുകയും 437 സ്ഥാപനങ്ങള്‍ക്കെതിരേ പിഴ ചുമത്തുകയും ചെയ്തതായി റിപ്പോർട്ട്. അജ്മാന്‍ ആരോഗ്യ വകുപ്പ് നടത്തിയ പരിശോധനകളെ തുടര്‍ന്നാണ് നടപടി സ്വീകരിച്ചത്.

ഇതേതുടർന്ന് നിരവധി പ്രവാസികളുടെ കടകളും ഈ രീതിയില്‍ നടപടികള്‍ക്കു വിധേയമായി. വ്യാപാര സ്ഥാപനങ്ങള്‍ കൊവിഡ് പെരുമാറ്റച്ചട്ടങ്ങള്‍ പാലിക്കുന്നുണ്ടോ എന്ന കാര്യം പരിശോധിക്കുന്നതിനായി എമിറേറ്റില്‍ എട്ടായിരത്തോളം പരിശോധനകളാണ് ആരോഗ്യ വകുപ്പ് സംഘടിപ്പിച്ചതെന്ന് ഡയരക്ടര്‍ ഖാലിദ് മുഈന്‍ അല്‍ ഹുസൈനി മാധ്യമങ്ങളോട് പറഞ്ഞു.