സൗജന്യ കോവിഡ് വാക്സിനായി പ്രവാസികൾ; ആശുപത്രികളില് വന് തിരക്ക്, വാക്സിന് വിതരണം തുടങ്ങിയത് വ്യാഴാഴ്ച, 86 ശതമാനം ഫലപ്രദമാണെന്ന് യു.എ.ഇ ആരോഗ്യ മന്ത്രാലയത്തിെൻറ വിലയിരുത്തൽ
യു.എ.ഇയില് കോവിഡ് വാക്സിനെടുക്കാന് ആശുപത്രികളില് വന് തിരക്ക്. വ്യാഴാഴ്ചയാണ് വാക്സിന് വിതരണം തുടങ്ങിയതെങ്കിലും, അവധി ദിവസങ്ങളിലാണ് കൂടുതല് സജീവമായത്. സ്വകാര്യ ആശുപത്രിയിലും ഇന്നലെ വിതരണം തുടങ്ങിയിരുന്നു. ചൈനയുടെ സിനോഫോം വാക്സിനാണ് വിതരണത്തിനായി എത്തിയത്. വാക്സിൻ പ്രവാസികൾക്കും സ്വദേശികൾക്കും തികച്ചും സൗജന്യമായാണ് നൽകുന്നത്.
86 ശതമാനം ഫലപ്രദമാണെന്നാണ് യു.എ.ഇ ആരോഗ്യ മന്ത്രാലയത്തിെൻറ വിലയിരുത്തലിന് പിന്നാലെയാണ് വിതരണം ആരംഭിച്ചത്. സേഹയുടെ 80050 എന്ന നമ്പറിൽ വിളിച്ച് വാക്സിന് അപ്പോയിൻമെൻറ് എടുക്കാൻ സാധിക്കുന്നതാണ്. സിനോഫാമിന് പുറമെ, റഷ്യൻ നിർമിത സ്ഫുട്നിക് വാക്സിെൻറ മൂന്നാംഘട്ട പരീക്ഷണവും അബൂദബിയിൽ ആരംഭിച്ചു. 18 വയസ്സിൽ താഴെയുള്ളവർക്ക് വാക്സിൻ ലഭ്യമല്ല.
ജബൽ അലിക്ക് സമീപം വാക്സിൻ വിതരണം ചെയ്യുന്ന ദുബൈ പാർക്കിന് മുന്നിലും ഫീൽഡ് ആശുപത്രിക്ക് മുന്നിലും വാഹനങ്ങളുടെ നീണ്ടനിരയായിരുന്നു അനുഭവപ്പെട്ടത്. മണിക്കൂറുകൾ വരിനിന്ന ശേഷമാണ് ഓരോരുത്തർക്കും വാക്സിനെടുക്കാൻ കഴിഞ്ഞത്. ദുബൈ പൊലീസാണ് ഇവരെ നിയന്ത്രിച്ച് സൗകര്യമൊരുക്കിയത്. ഒരേസമയം 40 വാഹനങ്ങളാണ് ഉള്ളിലേക്ക് അനുവദിച്ചത്. മൂന്ന് മണിക്കൂർ കാത്തുനിന്ന ശേഷമാണ് പലർക്കും വാക്സിൻ ലഭിച്ചത്.
https://www.facebook.com/Malayalivartha