കൊറോണ വ്യാപനത്തിൽ വലയുന്ന പ്രവാസികളെ വെട്ടിലാക്കി സൗദി നയങ്ങൾ കടുപ്പിക്കുകയാണ്. ഘട്ടം ഘട്ടമായി സ്വദേശിവത്കരണം എല്ലാ മേഖലകളിലും വ്യാപിപ്പിക്കുന്നു. നി​യ​മം, വി​ദ്യാ​ഭ്യാ​സം, റ​സ്​​റ്റ​റ​ൻ​റു​ക​ൾ, ക​ഫേ​ക​ൾ, ഹൈ​പ്പ​ർ​മാ​ർ​ക്ക​റ്റു​ക​ൾ എ​ന്നീ രം​ഗ​ങ്ങളിലെ ജോ​ലി​ക​ളി​ൽ സ്വ​ദേ​ശി​വ​ത്​​ക​ര​ണം ഉ​ട​ൻ ആ​രം​ഭി​ക്കു​മെ​ന്ന്​ സൗദി മാ​ന​വ വി​ഭ​വ​ശേ​ഷി സാ​മൂ​ഹി​ക വി​ക​സ​ന മ​ന്ത്രി എ​ൻ​ജി. അ​ഹ്​​മ​ദ്​ അ​ൽ​രാ​ജി​ഹി വ്യക്തമാക്കുകയുണ്ടായി. ക​രാ​റു​കാ​രു​ടെ​യും ക​ൺ​സ​ൽ​ട്ടി​ങ്​ പ്ര​ഫ​ഷ​ന​ലു​ക​ളു​ടെ​യും ദേ​ശീ​യ സ​മി​തി അം​ഗ​ങ്ങ​ളു​മാ​യു​ള്ള കൂ​ടി​ക്കാ​ഴ്​​ചയ്​ക്കി​ട​യി​ലാ​ണ് മ​ന്ത്രി​ ഇ​ക്കാ​ര്യം വ്യക്തമാക്കിയത്. ഇതുവഴി നിരവധി പ്രവാസികൾക്കാണ് തൊഴിൽ നഷ്ടപ്പെടുന്നത്.

ഇതിലൂടെ സ്വ​ദേ​ശി​ക​ൾ​ക്ക്​ എ​ല്ലാ വ​കു​പ്പു​ക​ളി​ലും കൂ​ടു​ത​ൽ തൊ​ഴി​ല​വ​സ​ര​ങ്ങ​ൾ ഒ​രു​ക്കാ​നു​ള്ള ശ്ര​മം തു​ട​രു​ക​യാ​ണ്. യൂ​നി​വേ​ഴ്​​സി​റ്റി വി​ദ്യാ​ർ​ഥി​ക​ളെ ശാ​ക്തീ​ക​രി​ക്കാ​നും ഒ​ഴി​വു​സ​മ​യ​ങ്ങ​ളി​ൽ തൊ​ഴി​ൽ​വി​പ​ണി​യി​ൽ അ​വ​രെ ഉ​ൾ​പ്പെ​ടു​ത്താ​നും ശ്ര​മി​ക്കുമെന്നും അദ്ദേഹം വ്യക്തമാക്കി. മ​ന്ത്രാ​ല​യ​ങ്ങ​ൾ, അ​ർ​ധ ഗ​വ​ൺ​മെൻറ്​ സ്ഥാ​പ​ന​ങ്ങ​ൾ, സ്വ​കാ​ര്യ​മേ​ഖ​ല​യു​മാ​യി ക​രാ​റു​ണ്ടാ​ക്കി​യ സ്ഥാ​പ​ന​ങ്ങ​ൾ എ​ന്നി​വി​ട​ങ്ങ​ളി​ൽ സെ​ക്യൂ​രി​റ്റി ജോ​ലി​യി​ലേ​ർ​പ്പെ​ടു​ന്ന​വ​രു​ടെ സ്ഥി​തി മെ​ച്ച​പ്പെ​ടു​ത്തു​ന്ന​തി​നു​ള്ള പ​ഠ​നം ഇതിനോടകം തന്നെ പൂ​ർ​ത്തി​യാ​ക്കി​യി​ട്ടു​ണ്ട്. അ​വ​ർ​ക്ക്​ മി​നി​മം വേ​ത​നം നി​ശ്ച​യി​ച്ചി​രി​ക്കു​ന്നു. ക​രാ​ർ​ബ​ന്ധം മെ​ച്ച​പ്പെ​ടു​ത്തു​ന്ന പ​ദ്ധ​തി​​​​​​​​​​ സ്വ​ദേ​ശി​ക​ളു​മാ​യി ക​രാ​റു​ണ്ടാ​ക്കു​ന്ന​ത്​ വ​ർ​ധി​പ്പി​ക്കു​മെ​ന്നും വ്യ​ക്ത​മാ​ക്കി.