സെൻസെക്‌സ് 900 പോയിന്റ് ആണ് ഉയർന്നത്. നിഫ്റ്റി 24000 എന്ന സൈക്കോളജിക്കൽ ലെവലിന് അരികിൽ എത്തി. ഇന്ത്യ മുഖ്യമായി ആശ്രയിക്കുന്ന ബ്രെൻഡ് ക്രൂഡിന്റെ വില ബാരലിന് 97 ഡോളറായാണ് താഴ്ന്നത്.

5.48 ശതമാനത്തിന്റെ ഇടിവാണ് നേരിട്ടത്. എണ്ണവില കുറഞ്ഞതാണ് ഇന്ത്യൻ ഓഹരി വിപണിയിൽ പ്രതിഫലിച്ചതെന്ന് വിപണി വിദഗ്ധർ പറഞ്ഞു.
അമേരിക്ക- ഇറാൻ സംഘർഷത്തിന് അയവ് വന്നതിന് പിന്നാലെ അമേരിക്കൻ വിപണിയും ഏഷ്യൻ വിപണിയും നേട്ടം ഉണ്ടാക്കിയിരുന്നു. ഇതും ഇന്ത്യൻ വിപണിയിൽ പ്രതിഫലിക്കുകയും ചെയ്തു.

പ്രധാനമായി ഇന്റർഗ്ലോബ് ഏവിയേഷൻ, ഐസിഐസിഐ ബാങ്ക്, എച്ച്ഡിഎഫ്‌സി ബാങ്ക് ഓഹരികളാണ് നേട്ടം സ്വന്തമാക്കിയത്. അതേസമയം ടിസിഎസ് വലിയ ഇടിവാണ് നേരിട്ടത്.