ലോകത്തിന്റെ വിവിധ കോണുകളില് നിന്നെത്തിയ 18 ലക്ഷത്തോളം വിശ്വാസികള് പങ്കെടുക്കുന്ന ഈ വര്ഷത്തെ ഹജ്ജ് കര്മങ്ങള്ക്ക് ഇന്ന് തുടക്കം.... അറഫാ സംഗമം നാളെ
ലോകത്തിന്റെ വിവിധ കോണുകളില് നിന്നെത്തിയ 18 ലക്ഷത്തോളം വിശ്വാസികള് പങ്കെടുക്കുന്ന ഈ വര്ഷത്തെ ഹജ്ജ് കര്മങ്ങള്ക്ക് ഇന്ന് തുടക്കമാകുന്നു. ഇന്ന് മിനായില് താമസിക്കുന്ന ഹാജിമാര് നാളെ നടക്കുന്ന ഹജ്ജിന്റെ പ്രധാന കര്മമായ അറഫാ സംഗമത്തിനായി സുബ്ഹി നിസ്കാര ശേഷം മക്കയില് നിന്ന് അറഫാത്തിലേക്ക് നീങ്ങും.
ഇന്നലെ വൈകുന്നേരം മുതല് മിന ലക്ഷ്യമാക്കി നീങ്ങിത്തുടങ്ങിയിരുന്നു. ഇത്തവണ 162 രാജ്യങ്ങളില് നിന്നുള്ള തീര്ഥാടകരാണ് ഹജ്ജിനെത്തിയിട്ടുള്ളത്.
സൗദിയിലടക്കം ഗള്ഫ് രാജ്യങ്ങളില് ബുധനാഴ്ചയാണ് ബലിപെരുന്നാള്. ഇത്തവണ 15 ലക്ഷത്തിലധികം വിദേശ തീര്ഥാടകര് ഉള്പ്പെടെ ആകെ 18 ലക്ഷത്തോളം പേരാണ് ഹജ്ജ് നിര്വഹിക്കാനായി സൗദിയില് എത്തിയത്.
എല്ലാ ആഭ്യന്തര തീര്ഥാടകരും തിങ്കളാഴ്ച വൈകിട്ടോടെ എത്തും. ചൊവ്വാഴ്ച പകല് അറഫയില് പ്രാര്ത്ഥനയില് കഴിയുന്ന തീര്ഥാടകര് അസ്തമയത്തോടെ മുസ്ദലിഫയിലേക്ക് നീങ്ങുകയും ചെയ്യും. രാത്രി അവിടെ അന്തിയുറങ്ങി ബുധനാഴ്ച രാവിലെ വീണ്ടും മിനായില് തിരിച്ചെത്തി മൂന്ന് ദിവസത്തെ രാപ്പാര്പ്പും ബലി കര്മവും ജംറകളിലെ കല്ലേറും പൂര്ത്തിയാക്കുന്നതോടെ ഹജ്ജ് കര്മങ്ങള്ക്ക് സമാപനമാകുന്നതാണ്.
"
https://www.facebook.com/Malayalivartha
