ഗുരുവായൂര് ക്ഷേത്ര നടയില് ദര്ശനം നടത്തി കേരള മുഖ്യമന്ത്രി വി.ഡി. സതീശന്... മുഖ്യമന്ത്രി വെണ്ണ കൊണ്ട് തുലാഭാര വഴിപാടും നടത്തിയാണ് മടങ്ങിയത്..
.മുഖ്യമന്ത്രിയായി ചുമതലയേറ്റ ശേഷം ആദ്യമായി ഗുരുവായൂരിലെത്തിയ വി.ഡി. സതീശനെ കാണാന് ക്ഷേത്രത്തിനകത്തും പുറത്തുമായി ആയിരക്കണക്കിന് ഭക്തജനങ്ങളാണ് തടിച്ചുകൂടിയത്. ആര്പ്പുവിളിച്ചും കരഘോഷം മുഴക്കിയും ഭക്തര് പുതിയ മുഖ്യമന്ത്രിയോടുള്ള തങ്ങളുടെ സ്നേഹവും ആദരവും പ്രകടിപ്പിച്ചു. കണ്ണനെ തൊഴുതു പ്രാര്ത്ഥിച്ച മുഖ്യമന്ത്രി വെണ്ണ കൊണ്ട് തുലാഭാര വഴിപാടും നടത്തിയാണ് മടങ്ങിയത്. തടിച്ചുകൂടിയ ജനക്കൂട്ടത്തെയും പാര്ട്ടി അണികളെയും ആവേശത്തിലാഴ്ത്തിക്കൊണ്ട് ഗുരുവായൂരിന്റെ മനസ്സ് കീഴടക്കിയ സതീശന്,
സൈബര് ഇടങ്ങളിലെ അണികളുടെ ഭാഷയില് പറഞ്ഞാല് അക്ഷരാര്ത്ഥത്തില് 'പൂക്കി മുഖ്യമന്ത്രി'യായി മാറുന്ന കാഴ്ചയ്ക്കാണ് ക്ഷേത്രനഗരി സാക്ഷ്യം വഹിച്ചത്.ഞായറാഴ്ച രാവിലെ 6.40-ഓടെയാണ് മുഖ്യമന്ത്രി വി.ഡി. സതീശന് ഗുരുവായൂര് ശ്രീവത്സം ഗസ്റ്റ് ഹൗസിന് മുന്നില് കാറിലിറങ്ങിയത്. ക്ഷേത്ര നഗരിയിലെത്തിയ മുഖ്യമന്ത്രി ആദ്യം പങ്കെടുത്തത് തന്റെ മന്ത്രിസഭയിലെ റവന്യൂ മന്ത്രി എ.പി. അനില്കുമാറിന്റെ
മകന്റെ വിവാഹച്ചടങ്ങിലായിരുന്നു. താലിക്കെട്ട് കഴിഞ്ഞയുടന് വധൂവരന്മാരെ പൊന്നാടയണിയിച്ച് ആശീര്വദിച്ച അദ്ദേഹം, അവര്ക്കൊപ്പം ചിത്രങ്ങളുമെടുത്ത ശേഷം പത്തു മിനിറ്റോളം അവിടെ ചെലവഴിച്ചു. കല്യാണ ഓഡിറ്റോറിയത്തില് സതീശന് എത്തിയതോടെ വിവാഹത്തിനെത്തിയ അതിഥികളും നാട്ടുകാരും അദ്ദേഹത്തിന് ചുറ്റും കൂടുകയും സെല്ഫികള്ക്കായി തിരക്ക് കൂട്ടുകയും ചെയ്തു.
https://www.facebook.com/Malayalivartha
