ക​ഴി​ഞ്ഞ​വ​ര്‍​ഷം ഒ​മാ​നി​ലെ വി​മാ​ന​ത്താ​വ​ള​ങ്ങ​ള്‍ വ​ഴി​യു​ള്ള യാ​ത്ര​ക്കാ​രു​ടെ എ​ണ്ണം 77ശ​ത​മാ​നം കു​റ​ഞ്ഞ​താ​യുള്ള കണക്കാണ് പുറത്ത് വരുന്നത്. രാ​ജ്യ​ത്തെ മ​സ്​​ക​ത്ത്, സ​ലാ​ല, സു​ഹാ​ര്‍, ദു​കം എ​ന്നീ വി​മാ​ന​ത്താ​വ​ള​ങ്ങ​ള്‍ വ​ഴി​യു​ള്ള യാ​ത്ര​ക്കാ​രു​ടെ എ​ണ്ണ​ത്തി​ലാ​ണ്​ വമ്പി​ച്ച കു​റ​വ്​ രേ​ഖ​പ്പെ​ടു​ത്തി​യ​ത്. 2020 ജ​നു​വ​രി വ​രെ​യു​ള്ള ക​ണ​ക്കു​പ്ര​കാ​രം 15 ല​ക്ഷ​ത്തി​ലേ​റെ യാ​ത്ര​ക്കാ​ര്‍ ക​ട​ന്നു​പോ​യ​പ്പോ​ള്‍ 2021 ജ​നു​വ​രി​വ​രെ​യു​ള്ള വ​ര്‍​ഷം മൂ​ന്ന​ര ല​ക്ഷം യാ​ത്ര​ക്കാരായി കുറയുകയാണ് ചെയ്തത്.

ദേ​ശീ​യ സ്​​റ്റാ​റ്റി​സ്​​റ്റി​ക്​​സ്, ഇ​ന്‍​ഫ​ര്‍​മേ​ഷ​ന്‍ കേ​ന്ദ്രം പു​റ​ത്തു​വി​ട്ട പ്രാ​ഥ​മി​ക വി​വ​ര​ങ്ങ​ളി​ലാ​ണ്​ ഇ​ക്കാ​ര്യം വ്യക്തമാക്കുന്നത്. വി​മാ​ന സ​ര്‍​വി​സു​ക​ളു​ടെ എ​ണ്ണ​ത്തി​ലും ഇ​ക്കാ​ല​യ​ള​വി​ല്‍ കു​റ​വ്​ രേ​ഖ​പ്പെ​ടു​ത്തി. യാ​ത്ര​ക്കാ​ര്‍ കൂ​ടി​യ​പ്പോ​ള്‍​ 11,316 വി​മാ​ന സ​ര്‍​വി​സു​ണ്ടാ​യി​രു​ന്നു. യാ​ത്ര​ക്കാ​ര്‍ കു​റ​ഞ്ഞ സ​മ​യ​ത്ത്​ 3035​ സ​ര്‍​വി​സാ​ണു​ണ്ടാ​യി​രു​ന്ന​ത്.

അതോടൊപ്പം തന്നെ ഇ​ന്ത്യ, പാ​കി​സ്​​താ​ന്‍, ബം​ഗ്ലാ​ദേ​ശ് എ​ന്നീ രാ​ജ്യ​ങ്ങ​ളി​ല്‍ നി​ന്നു​ള്ള യാ​ത്ര​ക്കാ​രാ​ണ്​ കൂ​ടു​ത​ലാ​യും ഒ​മാ​ന്‍ വി​മാ​ന​ത്താ​വ​ള​ങ്ങ​ളി​ലെ​ത്തു​ന്ന വി​ദേ​ശി​ക​ള്‍ എന്നത്. ഇ​വ​യി​ല്‍​ത​ന്നെ ഇ​ന്ത്യ​ക്കാ​രാ​ണ്​ ഏ​റ്റ​വും കൂ​ടു​ത​ല്‍ എന്നാണ് കണക്ക്. 2021ജ​നു​വ​രി​വ​രെ​യു​ള്ള വ​ര്‍​ഷ​ത്തി​ല്‍ 8,135 ഇ​ന്ത്യ​ക്കാ​രാ​ണ്​ ഒ​മാ​നി​ലെ​ത്തിച്ചേർന്നത്. എന്നാൽ 260പേ​ര്‍ മാ​ത്ര​മാ​ണ്​ ഇ​ന്ത്യ​യി​ലേ​ക്ക്​ മ​ട​ങ്ങി​യ​ത്. ഒ​മാ​നി​ല്‍ ഏ​റ്റ​വും കൂ​ടു​ത​ല്‍ യാ​ത്ര​ക്കാ​രെ​ത്തു​ന്ന​ത്​ മ​സ്​​ക​ത്ത്​ വി​മാ​ന​ത്താ​വ​ള​ത്തി​ലും ര​ണ്ടാ​മ​ത്​ സ​ലാ​ല​യി​ലു​മാ​ണ്. ര​ണ്ടി​ട​ത്തും യാ​ത്ര​ക്കാ​രു​ടെ എ​ണ്ണ​ത്തി​ല്‍ കു​റ​വു​ണ്ടാ​യി​ട്ടു​ണ്ട്.

ഇതുകൂടാതെ കോ​വി​ഡ്​ പ​ട​ര്‍​ന്നു​പി​ടി​ക്കു​ക​യും യാ​ത്ര​ക്ക്​ നി​യ​ന്ത്ര​ണം വ​രു​ക​യും ചെ​യ്​​ത​താ​ണ്​ യാ​​ത്ര​ക്കാ​രു​ടെ എ​ണ്ണം ഗ​ണ്യ​മാ​യി കു​റ​ച്ച​ത്. വി​മാ​ന​ക്ക​മ്ബ​നി​ക​ളു​ടെ​യും എ​യ​ര്‍​പോ​ര്‍​ട്ട്​ അ​നു​ബ​ന്ധ സേ​വ​ന​ങ്ങ​ളു​ടെ​യും ബി​സി​ന​സു​ക​ളു​ടെ​യും വ​രു​മാ​ന​ത്തി​ല്‍ ഇ​ത്​ വ​ലി​യ ആ​ഘാ​തം സൃ​ഷ്​​ടി​ച്ചു. കോ​വി​ഡ്​ ര​ണ്ടാം​വ​ര​വ്​ രൂ​ക്ഷ​മാ​കു​ക​യാ​ണെ​ങ്കി​ല്‍ വ​രും​വ​ര്‍​ഷ​ത്തി​ലും സാ​ധാ​ര​ണ​നി​ല കൈ​വ​രി​ക്കാ​നാ​വി​ല്ലെ​ന്നാ​ണ്​ ക​രു​തു​ന്ന​ത്.​