ദുബൈയില് ജോലി വാഗ്ദാനം നല്കി ലക്ഷങ്ങളുടെ തട്ടിപ്പ് നടത്തിയ കേസില് രണ്ട് പേര് അറസ്റ്റില്
ദുബൈയില് ജോലി വാഗ്ദാനം നല്കി ലക്ഷങ്ങളുടെ തട്ടിപ്പ് നടത്തിയവര് പോലീസ് പിടിയിലായി. കലൂര് ടേക്ക് ഓഫ് എന്നപേരില് ജോബ് കണ്സള്ട്ടന്സി സ്ഥാപനം നടത്തിവരുന്ന നെട്ടൂര് സ്വദേശി ഫിറോസ് ഖാന്, ചേര്ത്തല കൊമ്പനമുറി സ്വദേശി സത്താര് എന്നിവരെയാണ് പൊലീസ് അറസ്റ്റ് ചെയ്തത്. നിരവധി പേരെയാണ് തട്ടിപ്പ് നടത്തി ഇവര് ദുബായിലേക്ക് അയച്ചത്. ഓരോരുത്തരില് നിന്നായി 2.5 ലക്ഷം രൂപ മുന്കൂറായി കൈപ്പറ്റുകയും ചെയ്തിരുന്നു.
റിക്രൂട്ടിങ് ലൈസെന്സ് ഇല്ലാത്തതിനാല് വേറെ പല ഏജന്സികളിലൂടെയാണ് ഇവര്ക്ക് ജോലി ശരിയാക്കാന് ഉദ്ദേശിച്ചത്. എന്നാല് വാഹന കച്ചവടക്കാരായ ഇവര് കിട്ടിയ പണം മുഴുവന് സെക്കന്റ് ഹാന്ഡ് വണ്ടികള് വാങ്ങാന് ചിലവാക്കി. ദുബായിയില് ഉള്ള ഏജന്റുമാര്ക്ക് പണം കിട്ടാതിരുന്നത്തോടെ പലതും പിന്വലിഞ്ഞു. ഇതോടെ പല ദിവസങ്ങളിലായി വിദേശത്ത് എത്തിയ ഉദ്യോഗാര്ഥികള് താമസിക്കാന് സ്ഥലമോ, ഭക്ഷണമോ, ജോലിയോ ഇല്ലാതെ പെരുവഴിയിലായി. പണം നഷ്ട്ടപെട്ട ചിലര് മുഖ്യമന്ത്രി ഉള്പ്പെടെയുള്ളവര്ക്ക് പരാതിയും നല്കി. ഇതോടെയാണ് പൊലീസ് കേസെടുത്ത് അന്വേഷണം ആരംഭിച്ചത്. ഇതോടെ പ്രതികള് മുങ്ങി. കോഴിക്കോട് നിന്ന് ഡല്ഹിയിലേക്ക് കടക്കാനുളള ശ്രമത്തിനിടെയാണ് ഇവര് പൊലീസിന്റെ വലയിലാകുന്നത്. കേസില് അറസ്റ്റിലായ ഫിറോസ് ഖാനെ സമാനമായ കുറ്റത്തിന് കഴിഞ്ഞ മാസം നോര്ത്ത് പോലീസ് അറസ്റ്റ് ചെയ്തിരുന്നു. ഈ കേസില് ജാമ്യത്തില് ഇറങ്ങിയ ശേഷമാണ് വീണ്ടും തട്ടിപ്പ് നടത്തിയത്. ഇയാള്ക്കെതിരെ എറണാകുളം സെന്ട്രല്, മരട്, ചേര്ത്തല സ്റ്റേഷനുകളില് തട്ടിപ്പ് കേസ്സുകള് നിലവിലുണ്ട്.
https://www.facebook.com/Malayalivartha
