കൊറോണ വ്യാപനത്തിന്റെ പശ്ചാത്തലത്തിലും പുതിയ പ്രതീക്ഷയാണ് യുഎഇ നമുക്ക് മുന്നിൽ പങ്കുവയ്ക്കുന്നത്. ഇപ്പോഴിതാ പ്രവാസികൾക്ക് ഏറെ അശവസം നൽകുന്ന വാർത്തയാണ് യുഎഇ അധികൃതർ പങ്കുവയ്ക്കുന്നത്. രാജ്യത്ത്​ വ്യോമയാന മേഖല തിരിച്ചുവരവിന്റെ പാതയിലാണെന്നും ഈ വര്‍ഷം രണ്ടാം പാദത്തില്‍ ഇത്​ പ്രകടമാണെന്നും യു.എ.ഇ ജനറല്‍ സിവില്‍ ഏവിയേഷന്‍ അതോറിറ്റി ഡയറക്​ടര്‍ ജനറല്‍ സെയ്​ഫ്​ അല്‍ സുവൈദി വ്യക്തമാക്കുകയുണ്ടായി. ഗ്ലോബല്‍ എയര്‍പോര്‍ട്ട് ലീഡേഴ്‌സ് ഫോറത്തില്‍ സംസാരിക്കുകയായിരുന്നു അദ്ദേഹം.

ആഗോളതലത്തില്‍ വാക്സിന്‍ വിതരണം വര്‍ധിച്ചതോടെ തന്നെ യാത്രക്കാര്‍ വിമാനയാത്രയിലേക്ക് മടങ്ങിവരുമെന്ന് പ്രതീക്ഷിക്കുകയാണ് എന്നും അദ്ദേഹം വ്യക്തമാക്കി. 2019ല്‍ ലഭിച്ചിരുന്ന യാത്രക്കാരുടെ 49 ശതമാനം ഉടന്‍ വീ​ണ്ടെടുക്കുന്നതാണ്. 2019ല്‍ 4.5 ബില്യണ്‍ യാത്രക്കാര്‍ സഞ്ചരിച്ച സ്​ഥാനത്ത്​ കഴിഞ്ഞ വര്‍ഷം എത്തിയത്​ 1.8 ബില്യണ്‍ മാത്രമാണ്​. അതോടൊപ്പം തന്നെ 2020ല്‍ യു.എ.ഇയില്‍ 50 ശതമാനത്തിലേറെ യാത്രക്കാര്‍ കുറഞ്ഞപ്പോള്‍ അന്താരാഷ്​ട്ര യാത്രക്കാരുടെ എണ്ണം 74 ശതമാനം കുറഞ്ഞതായും അദ്ദേഹം വ്യക്തമാക്കി.

കൂടതെ മഹാമാരിയുടെ തുടക്കം മുതല്‍ യു.എ.ഇ വിവിധ വിമാനത്താവളങ്ങളുമായും വിമാനക്കമ്പനികളുമായും ആശയവിനിമയം നടത്തിയിരുന്നു. ആവശ്യമായ സുരക്ഷ നടപ്പാക്കാന്‍ നടപടിയെടുക്കുകയും ചെയ്​തു. കോവിഡ്​ കൊടുമ്ബിരികൊണ്ട സമയത്ത്​ പോലും തിരിച്ചുവരവിനെ കുറിച്ചാണ്​ ഞങ്ങള്‍ ആലോചിച്ചത് എന്നും അദ്ദേഹം കൂട്ടിചേര്‍ത്തു.

അതേസമയം നല്ല വാര്‍ത്തകള്‍ക്കായി രാജ്യം തയാറെടുത്തുകഴിഞ്ഞെന്ന്​ ജി.സി.എ.എ അസിസ്​റ്റന്‍റ്​ ഡയറക്ടര്‍ ജനറല്‍ ഇസ്മായില്‍ അല്‍ ബലൂഷി സൂചിപ്പിച്ചു. രാജ്യങ്ങള്‍ അതിര്‍ത്തികള്‍ തുറന്നിട്ടുണ്ടെങ്കിലും പ്രവേശന നിയന്ത്രണങ്ങള്‍ നിലനില്‍ക്കുകയാണ്​​. എങ്കിലും തിരിച്ചുവരവിന്റെ പാതയിലാണ്​ ഏവരും. സിവില്‍ ഏവിയേഷന്‍ മേഖലയെ കോവിഡ്​ ആഴത്തില്‍ ബാധിച്ചിരിക്കുന്നു. മഹാമാരിയുടെ കാലത്തും അന്താരാഷ്​ട്ര യാത്രക്കാരുടെ എണ്ണത്തില്‍ യു.എ.ഇ ഒന്നാം സ്​ഥാനത്ത്​ തുടരുകയാണെന്നും അതിര്‍ത്തികള്‍ തുറക്കുന്നതോടെ പഴയ നില കൈവരിക്കാന്‍ കഴിയുമെന്നും അദ്ദേഹം വ്യക്തമാക്കുകയുണ്ടായി.