കൊറോണ വ്യാപനത്തെ തുടർന്ന് സൗ​ദി​യി​ല്‍ പു​തു​താ​യി പ്ര​ഖ്യാ​പി​ച്ച നി​ബ​ന്ധ​ന​കൾ മൂലം രാ​ജ്യ​ത്തേ​ക്ക് പ്ര​വേ​ശി​ക്കാ​നാ​കാ​തെ ബ​ഹ്റൈ​നി​ല്‍ കു​ടു​ങ്ങി​പ്പോ​യ​വ​രു​ടെ പ്ര​തി​സ​ന്ധി അനിശ്ചിതമായി തന്നെ നീളുകയാണ്. സൗദി അറേബ്യ വിലക്കുകൾ നീക്കി അതിർത്തികൾ തുറന്നതിന് പിന്നാലെ ബഹ്‌റൈൻ വഴി കടക്കാൻ നിന്നവർക്കാണ് ഇത്തരത്തിൽ തിരിച്ചടി നേരിടേണ്ടി വന്നത്. കോ​വി​ഡ് പ്ര​തി​രോ​ധ വാ​ക്സി​ന്‍ സ്വീ​ക​രി​ച്ച​വ​ര്‍​ക്ക് മാ​ത്ര​മേ കോ​സ്​​വേ വ​ഴി സൗ​ദി​യി​ലേ​ക്ക് പ്ര​വേ​ശി​ക്കാ​ന്‍ സാധിക്കൂ എ​ന്ന പ്ര​ഖ്യാ​പ​നം മേ​യ് 20 മു​ത​ലാ​ണ് സൗ​ദി അ​റേ​ബ്യ ന​ട​പ്പാ​ക്കി​ തുടങ്ങിയത്.

എ​ന്നാ​ല്‍, യാ​ത്ര നി​രോ​ധ​ന​പ്പ​ട്ടി​ക​യി​ല്‍​പെ​ടാ​ത്ത രാ​ജ്യ​ത്ത് 14 ദി​വ​സം ക്വാ​റ​ന്‍​റീ​ന്‍ പൂ​ര്‍​ത്തി​യാ​ക്കി​യ​വ​ര്‍​ക്ക് വി​മാ​ന​ത്താ​വ​ളം വ​ഴി സൗ​ദി​യി​ലേ​ക്ക് വ​രാ​ന്‍ അ​നു​മ​തി​ നൽകിയിട്ടുണ്ട്. ഇ​വ​ര്‍ ഏ​ഴു ദി​വ​സം സൗ​ദി​യി​ല്‍ ഇന്‍സ്​​റ്റി​റ്റ്യൂ​ഷ​ന​ല്‍ ക്വാ​റ​ന്‍​റീ​ന്‍ പാ​ലി​ക്കേ​ണ്ട​തു​ണ്ട്. ഇ​തോ​ടെ ആ​യി​ര​ക്ക​ണ​ക്കി​ന് ഇ​ന്ത്യ​ക്കാ​ര​ട​ക്കം നി​ര​വ​ധി പ്രവാസികളാണ് ബ​ഹ്റൈ​നി​ല്‍ കു​ടു​ങ്ങി​യിരിക്കുന്നത്. ബ​ഹ്റൈ​ന്‍ വി​സ​യും ക്വാ​റ​ന്‍​റീ​ന്‍ ചെ​ല​വും ഭീമ​മാ​യ ടി​ക്ക​റ്റ് നി​ര​ക്കും കൊ​ടു​ത്ത് ബ​ഹ്റൈ​നി​ല്‍ എ​ത്തി​യ​വ​ര്‍​ക്ക് ഇ​രു​ട്ട​ടി​യാ​യി മാ​റു​ക​യാ​യി​രു​ന്നു ഈ ​നിയ​മം.

കൂടാതെ ബ​ഹ്റൈ​നി​ല്‍​നി​ന്ന് വി​മാ​ന​ത്താ​വ​ളം വ​ഴി വ​രു​ന്ന​വ​ര്‍ ടി​ക്ക​റ്റി​നൊ​പ്പം ത​ന്നെ ക്വാ​റ​ന്‍​റീ​ന്‍ ഹോ​ട്ട​ല്‍ ബു​ക്കി​ങ്ങും പൂ​ര്‍​ത്തി​യാ​ക്കേണ്ടതാണ്. എന്നാൽ ഈ ​നി​യ​മം മു​ത​ലെ​ടു​ത്ത് വി​മാ​ന​ക്കമ്പ​നി​ക​ള്‍ വ​ന്‍ തു​ക​ക​ള്‍ ഈടാക്കി യാ​ത്ര​ക്കാ​രെ പി​ഴി​യു​ക​യാ​ണ് അധികൃതർ. നേരത്തെ തന്നെ സൗ​ദി എ​യ​ര്‍​ലൈ​ന്‍​സ് ത​ങ്ങ​ളു​ടെ പാക്കേ​ജ് പ്ര​ഖ്യാ​പി​ച്ച​പ്പോ​ള്‍ 2500 റി​യാ​ല്‍ മു​ത​ല്‍ ക്വാ​റ​ന്‍​റീ​ന്‍ സം​വി​ധാ​നം ല​ഭ്യ​മാ​ക്കു​മെ​ന്ന് പ്ര​ഖ്യാ​പി​ക്കുകയും ചെയ്തിരുന്നു.

എ​ന്നാ​ല്‍, സൗ​ദി എ​യ​ര്‍​ലൈ​ന്‍​സി​ന് ദ​മ്മാ​മി​ലേ​ക്ക് സ​ര്‍​വി​സി​ല്ല. ക​ഴി​ഞ്ഞ​ദി​വ​സം ബ​ഹ്റൈ​നി​ല്‍​നി​ന്ന് സൗദിയി​ലേ​ക്ക് ഗ​ള്‍​ഫ് എ​യ​ര്‍ വ​ഴി വ​ന്ന കോ​ഴി​ക്കോ​ട് സ്വ​ദേ​ശി​ക​ളാ​യ കു​ടും​ബ​ത്തി​ന് ടി​ക്ക​റ്റി​ന് 1500 റി​യാ​ല്‍ വീ​ത​വും ഒ​റ്റ​മു​റി സൗ​ക​ര്യ​മു​ള്ള ഹോ​ട്ട​ല്‍ ക്വാ​റ​ന്‍​റീ​ന്‍ ചാ​ര്‍​ജ് 5500 റി​യാ​ല്‍ വീ​ത​വു​മാ​ണ് ഈടാക്കിയത്. ര​ണ്ടു​നേ​രം മാ​ത്രം ല​ഭി​ക്കു​ന്ന ഭ​ക്ഷ​ണം ഒ​രു നി​ല​വാ​ര​വും പു​ല​ര്‍​ത്താ​ത്ത​താണെന്നും ഇ​വ​ര്‍ പ​റ​യുകയാണ്. രാ​വി​ലെ 11.30 ആ​കുമ്പോ​ള്‍ ല​ഭി​ക്കു​ന്ന ക​ഫ്സ റൈ​സും രാ​ത്രി​യി​ല്‍ ല​ഭി​ക്കു​ന്ന ഖു​ബ്ബൂ​സും മാ​ത്ര​മാ​ണ് ഭ​ക്ഷ​ണമായി നൽകുന്നത്. അ​ധി​ക​മാ​യി എ​ന്തു വേ​ണ​മെ​ങ്കി​ലും ഫൈ​വ് സ്​​റ്റാ​ര്‍ ഭ​ക്ഷ​ണ​ത്തിന്റെ വി​ല ന​ല്‍​ക​ണം എന്നതാണ്. എ​ന്നാ​ലി​പ്പോ​ള്‍ ഈ ​തു​ക​ക്കും ക്വാ​റ​ന്‍​റീ​നും ടി​ക്ക​റ്റും കി​ട്ടാ​നി​ല്ലെ​ന്ന് സൗ​ദി​യി​ലേ​ക്ക് വ​രാ​ന്‍ ബഹ്റൈ​നി​ല്‍ ക​ഴി​യു​ന്ന തൃ​ശൂ​ര്‍ സ്വ​ദേ​ശി വ്യക്തമാക്കുകയുണ്ടായി.

അതേസമയം 9000 റി​യാ​ല്‍ മു​ത​ല്‍ 12,000 റി​യാ​ല്‍ വ​രെ​യാ​ണ് ഇ​പ്പോ​ള്‍ ആ​വ​ശ്യ​പ്പെ​ടു​ന്ന​ത്.​ ടി​ക്ക​റ്റ് നി​ര​ക്ക് ഇക്ക​ണോ​മി ക്ലാ​സി​ല്‍ ഏ​റ്റ​വും കൂ​ടി​യ നി​ര​ക്കാ​യ 1950 റി​യാ​ലിന്റെ ടി​ക്ക​റ്റ് മാ​ത്ര​മേ ഏ​റ്റ​വും കു​റ​ഞ്ഞ തു​ക​യി​ല്‍ ല​ഭ്യ​മാകുന്നുള്ളു. ക്വാ​റ​ന്‍​റീ​ന്‍ ഹോ​ട്ട​ല്‍ ബു​ക്കി​ങ്​ ടി​ക്ക​റ്റു​മാ​യി ലി​ങ്ക് ചെ​യ്താ​ല്‍ മാ​ത്ര​മേ ബ​ഹ്റൈ​നി​ല്‍​നി​ന്ന് ബോ​ര്‍​ഡി​ങ്​ ചെ​യ്യാ​ന്‍ സാ​ധി​ക്കൂ എന്നാണ് ലഭ്യമാകുന്ന വിവരം. അതോടൊപ്പം തന്നെ നാ​ട്ടി​ല്‍​നി​ന്നു​ള്ള നി​ര​വ​ധി ട്രാ​വ​ല്‍​സു​ക​ള്‍ ബ​ഹ്റൈ​നി​ലേ​ക്ക് യാ​ത്ര​ക്കാ​ര്‍​ക്ക് പാ​ക്കേ​ജു​ക​ള്‍ പ്ര​ഖ്യാ​പി​ക്കുന്നുണ്ട്. ഇ​ത്ത​രം ച​തി​യി​ല്‍ കു​ടു​ങ്ങ​രു​തെ​ന്ന് നോ​ര്‍​ക്ക പ്ര​വാ​സി​ക​ള്‍​ക്ക് മു​ന്ന​റി​യി​പ്പ് ന​ല്‍​കി​യി​രു​ന്നു. എം​ബ​സി​ക​ള്‍ ഇ​ട​പെ​ട്ട് ബ​ഹ്ൈ​റ​നി​ല്‍ ഉ​ള്ള​വ​ര്‍​ക്ക് യാ​ത്ര സം​വി​ധാ​ന​വും മ​റ്റു സൗ​ക​ര്യ​ങ്ങ​ളും ഒ​രു​ക്കി​യാ​ല്‍ മാ​ത്ര​മേ ഇ​തി​ന് പ​രി​ഹാ​ര​മാ​വൂ. ഇ​രു എം​ബ​സി​ക​ളും ഇ​തി​നു​ള്ള തീ​വ്ര​ശ്ര​മം ന​ട​ത്തു​ക​യാ​െ​ണ​ന്ന് ക​ഴി​ഞ്ഞ​ദി​വ​സം സൗ​ദി അം​ബാ​സ​ഡ​ര്‍ അ​റി​യി​ച്ചി​രു​ന്നെ​ങ്കി​ലും പ​രി​ഹാ​രം അ​ന​ന്ത​മാ​യി നീ​ളു​ക​യാ​ണ്.

അതേസമയം കിങ്​ ഫഹദ്​ കോസ്​വേ വഴിയുള്ള യാത്ര മുടങ്ങിയതിനാല്‍ ബഹ്​റൈനില്‍ കുടുങ്ങിയ 1000ത്തോളം ഇന്ത്യക്കാരില്‍ 300ഒാളം പേര്‍ ഇതിനകം സൗദി അറേബ്യയില്‍ എത്തിയതായി ഇന്ത്യന്‍ അംബാസഡര്‍ പിയൂഷ്​ ശ്രീവാസ്​തവ അറിയിച്ചു. ഇന്ത്യന്‍ എംബസി സംഘടിപ്പിച്ച ഒാപണ്‍ ഹൗസില്‍ സംസാരിക്കുകയായിരുന്നു അദ്ദേഹം. മലയാളികള്‍ ഉള്‍പ്പെടെയുള്ള സൗദി യാത്രക്കാരാണ്​ മേയ്​ 20 മുതല്‍ ബഹ്​റൈനില്‍ കുടുങ്ങിക്കിടക്കുന്നത്​. ഇവരുടെ കാര്യത്തില്‍ പ്രശ്​നപരിഹാരത്തിനുള്ള ശ്രമം തുടരുകയാണ്​. ബഹ്​റൈന്‍ സര്‍ക്കാറിന്​ മുന്നിലും ഇൗ വിഷയം അവതരിപ്പിച്ചിട്ടുണ്ട്​. അനുഭാവപൂര്‍വമായ സമീപനമാണ്​ സര്‍ക്കാറില്‍നിന്ന്​ ലഭിച്ചിരിക്കുന്നത്​. സൗദിയിലെ ഇന്ത്യന്‍ എംബസി മുഖേന അവിടത്തെ സര്‍ക്കാറുമായി ബന്ധപ്പെട്ടും പ്ര​ശ്​നപരിഹാരത്തിന്​ ശ്രമിക്കുന്നുണ്ട്​.