അവിഹിതബന്ധം ആരോപിച്ച് ഭാര്യയെ കുത്തിക്കൊന്ന കേസില് പ്രവാസിക്ക് 25 വര്ഷം തടവ്
അവിഹിതബന്ധം ആരോപിച്ച് ഭാര്യയെ കുത്തിക്കൊന്ന കേസില് നേപാള് പൗരന് യു എ ഇ കോടതി 25 വര്ഷം തടവുശിക്ഷ വിധിച്ചു. ശിക്ഷാ കാലാവധി പൂര്ത്തിയാക്കിയ ശേഷം ഇയാളെ നാടുകടത്താനും കോടതി ഉത്തരവിട്ടു. 2020 സെപ്റ്റംബര് 25നായിരുന്നു കേസിനാസ്പദമായ സംഭവം നടന്നത്.
താമസ സ്ഥലത്തേക്ക് മടങ്ങുകയായിരുന്ന ഭാര്യയെ അവിഹിതബന്ധം ചോദ്യം ചെയ്തു കൊണ്ട് കുത്തിക്കൊലപ്പെടുത്തുകയായിരുന്നു. 11 ഓളം തവണ ഇയാള് കത്തികൊണ്ട് കുത്തുകയും രക്തത്തില് കുളിച്ചുകിടക്കുകയായിരുന്ന ഭാര്യയുടെ ചിത്രം മൊബൈല് ഫോണില് പകര്ത്തുകയും ചെയ്തിരുന്നു. തുടര്ന്ന് ഇയാള് തന്നെയാണ് പൊലീസില് വിളിച്ച് വിവരമറിയിച്ചത്. പൊലീസ് എത്തുമ്ബോഴേക്കും ഒരു കയ്യില് രക്തത്തില് പൂണ്ട കത്തിയുമായി നില്ക്കുകയായിരുന്നു പ്രതി.സുഹൃത്തുക്കള് വഴിയാണ് ഭാര്യയുടെ പരപുരുഷ ബന്ധത്തെ കുറിച്ച് ഇയാള് അറിയുന്നത്. ഇത് അന്വേഷിക്കാന് ഭാര്യയെ വിളിച്ചപ്പോള് മറ്റൊരു പുരുഷന് ഫോണെടുക്കുകയും ഞങ്ങള് രണ്ടു പേരെയും ബുദ്ധിമുട്ടിക്കരുതെന്ന് പറഞ്ഞ് ഫോണ് കട്ട് ചെയ്യുകയും ചെയ്തു. ഇതോടെയാണ് ഭാര്യയെ കൊലപ്പെടുത്താന് പ്രതി പദ്ധതിയിടുന്നത്. 2019ലാണ് ഇരുവരും വിവാഹിതരായത്.
https://www.facebook.com/Malayalivartha