ലോകത്തെ വിസ്​മയിപ്പിക്കാന്‍ ഒക്​ടോബറില്‍ ആരംഭിക്കുന്ന ദുബൈ എക്​സ്​പോ 2020ൽ ഒരുങ്ങുന്നത് വമ്പൻ കാഴ്ചകൾ. ഇതിനുപിന്നാലെ കൊറിയന്‍ പവലിയനില്‍ ഒരുങ്ങുന്നത്​ വൈവിധ്യമാര്‍ന്ന പ്രദര്‍ശനങ്ങള്ളാണ്. ലോകത്താകമാനം ആരാധകരുള്ള കൊറിയന്‍ കല, സംഗീതം, ടെക്​നോളജി എന്നിവ ഒരുക്കുന്നുണ്ടെന്ന്​ ദക്ഷിണ കൊറിയന്‍ കോണ്‍സുല്‍ ജനറല്‍ മൂണ്‍ ബ്യൂങ്​ ജുങ്​ മാധ്യമങ്ങളോട്​ പറയുകയുണ്ടായി. ഏറ്റവും പുതിയ സാ​ങ്കേതികവിദ്യയും മികച്ച കൊറിയന്‍ പോപ്​ സംഗീതവും ഇവിടെ ഒരുക്കുന്നുണ്ട്​. സമൂഹമാധ്യമങ്ങളില്‍ 34 ദശലക്ഷം ഫോളേ​ാവേഴ്​സ്​ ഉള്ള ​'സ്​ട്രേ കിഡ്​സ്​'എന്ന പോപ്​ മ്യൂസിക്​ ബാന്‍ഡാണ്​ പവലിയന്‍ അംബാസഡര്‍മാരായിട്ടുള്ളത്.

എല്ലാ ആഴ്​ചയും വിവിധ പോപ്​ സംഗീത നിശകള്‍ ഇവിടെ സംഘടിപ്പിക്കപ്പെടുന്നതാണ്. മറ്റു കലാരൂപങ്ങളുടെയും പ്രദര്‍ശനം ദിവസവും ഉണ്ടാകുന്നതായിരിക്കും. ആയിരക്കണക്കിന്​ കൊറിയക്കാര്‍ എക്​സ്​പോ സന്ദര്‍ശിക്കാനായി ഇക്കാലയളവില്‍ ദുബൈയില്‍ എത്തുമെന്നും കോണ്‍സല്‍ ജനറല്‍ പറയുകയുണ്ടായി. ലോകത്തിലെ ഏറ്റവും വലുതും ഉയരമേറിയതുമായ ആകര്‍ഷണങ്ങള്‍ക്കും നേട്ടങ്ങള്‍ക്കും ദുബൈ പ്രശസ്​തമാണ്.

അതോടൊപ്പം തന്നെ നമുക്ക് പൊതുവായി നിരവധി കാര്യങ്ങളുണ്ട്. കൊറിയക്കും ദുബൈക്കും ധാരാളം പ്രകൃതിവിഭവങ്ങളില്ല. എന്നാല്‍, കഴിഞ്ഞ രണ്ട് ദശകങ്ങളില്‍ നമ്മുടെ രാജ്യങ്ങള്‍ വലിയ വികസനത്തിന് സാക്ഷ്യം വഹിച്ചു. ഞങ്ങളുടെ സര്‍ഗാത്മകതയും പുതിയ കണ്ടുപിടുത്തങ്ങളും സാങ്കേതിക വൈദഗ്​ധ്യവും എന്നിവ ഉപയോഗിച്ച്‌ രണ്ടു രാജ്യങ്ങളും നിരവധി പ്രതിബന്ധങ്ങള്‍ മറികടന്നു. യു.എ.ഇയും കൊറിയയും തമ്മിലെ ബന്ധം എക്​സ്​പോയിലൂടെ കൂടുതല്‍ ദൃഢപ്പെടും -അദ്ദേഹം പറഞ്ഞു.

കൊറിയന്‍ ആര്‍കിടെക്​ട്​ മൂണ്‍ ഹൂന്‍ ഡിസൈന്‍ ചെയ്​ത വ്യത്യസ്​തമായ കൊറിയന്‍ പവലിയന്‍ നിര്‍മാണത്തി​െന്‍റ അവസാന ഘട്ടത്തിലാണ് ഇപ്പോൾ​. 1590 സമചതുര കട്ടകള്‍ ഉപയോഗിച്ച്‌​ നിര്‍മിച്ച ​കെട്ടിടം കാഴ്​ചക്കാര്‍ക്ക്​ അത്ഭുതം പകരുന്നതാകുമെന്നാണ് ​ അധികൃതര്‍ അവകാശപ്പെടുന്നത്. പവലിയ​െന്‍റ അകത്ത്​ എക്‌സിബിഷനും എക്‌സ്‌പോ 2020​െന്‍റ മുഴുവന്‍ മനോഹരമായ കാഴ്​ചകള്‍ ആസ്വദിക്കാനുള്ള സൗകര്യവും ഒരുക്കിയിട്ടുണ്ട്​.