ആരോഗ്യ കേന്ദ്രങ്ങളിലെ ഗ്രീന്‍പാസ് നിബന്ധന പിന്‍വലിച്ച്‌ അബുദാബി; ഒരറിയിപ്പുണ്ടാകുന്നതുവരെ സാധാരണ രീതിയിലുള്ള പ്രവേശനം തുടരും
ആരോഗ്യ കേന്ദ്രങ്ങളിലെ ഗ്രീന്‍പാസ് നിബന്ധന പിന്‍വലിച്ച്തായി അബുദാബി ഹെല്‍ത്ത് സര്‍വീസസ് കമ്പനി (സേഹ) ഉത്തരവിറക്കി. സേഹയുടെ കീഴിലുള്ള പൊതു ആരോഗ്യ പരിചരണ കേന്ദ്രങ്ങളിലെത്തുന്ന രോഗികള്‍ക്കും സന്ദര്‍ശകര്‍ക്കും ഗ്രീന്‍ പാസ് ഉണ്ടായിരിക്കണമെന്ന് കഴിഞ്ഞ ദിവസം അധികൃതര്‍ അറിയിക്കുകയുണ്ടായി. ഈ കേന്ദ്രങ്ങളിലെത്തുന്നവര്‍ക്ക് ഒരറിയിപ്പുണ്ടാകുന്നതുവരെ സാധാരണ രീതിയിലുള്ള പ്രവേശനം തന്നെ തുടരുന്നതായിരിക്കും.
അതോടൊപ്പം സേഹയുടെ കീഴിലുള്ള പൊതു ആരോഗ്യ പരിചരണ കേന്ദ്രങ്ങളിലെത്തുന്നവര്‍ക്ക് സേവനങ്ങള്‍ നേടുന്നതില്‍ ബുദ്ധിമുട്ടുകള്‍ ഉണ്ടാകാതിരിക്കാനാണ് ഗ്രീന്‍ പാസ് പിന്‍വലിക്കുന്നതെന്ന് അധികൃതര്‍ വ്യക്തമാക്കി. രോഗികള്‍ക്കും 16 വയസ്സിന് മുകളിലുള്ള സന്ദര്‍ശകര്‍ക്കും ആരോഗ്യ കേന്ദ്രങ്ങളില്‍ പ്രവേശിക്കുന്നതിന് അല്‍ഹോസ്ന്‍ ആപ്പില്‍ ഗ്രീന്‍ പാസ് കാണിക്കണമെന്ന് അതോറിറ്റി നേരത്തെ അറിയിച്ചിരുന്നു.
അതേസമയം അബുദാബിയില്‍ ക്വാറന്റീന്‍ ആവശ്യമില്ലാതെ പ്രവേശനം അനുവദിക്കുന്ന ഗ്രീന്‍ രാജ്യങ്ങളുടെ പട്ടിക വീണ്ടും പുതുക്കിയിരിക്കുകയാണ്. സെപ്‍റ്റംബര്‍ ഒന്നിന് പുറത്തുവിട്ട പട്ടികയില്‍ മാറ്റം വരുത്തിയാണ് പുതിയ പട്ടിക പുറത്തിറക്കിയിരിക്കുന്നത്. ഇത് സെപ്‍റ്റംബര്‍ ആറ് യുഎഇ സമയം രാത്രി 12 മണി മുതല്‍ പ്രാബല്യത്തില്‍ വറുകയുണ്ടായി. ഈ രാജ്യങ്ങളില്‍ നിന്നെത്തുന്നവരെ അബുദാബിയില്‍ നിര്‍ബന്ധിത ക്വാറന്റീനില്‍ നിന്ന് ഒഴിവാക്കിയിട്ടുണ്ട്.
അല്‍ബേനിയ, അര്‍മേനിയ, ഓസ്ട്രേലിയ, ഓസ്ട്രിയ, ബഹ്‌റൈന്‍, ബെല്‍ജിയം, ഭൂട്ടാന്‍, ബ്രൂണെ, ബള്‍ഗേറിയ, കാനഡ, ചൈന, കൊമോറോസ്, ക്രൊയേഷ്യ, സൈപ്രസ്, ചെക്ക് റിപ്പബ്ലിക്, ഡെന്‍മാര്‍ക്ക്, ഫിന്‍ലാന്റ്, ജര്‍മ്മനി, ഗ്രീസ്, ഹോങ്കോങ്, ഹംഗറി, ഇന്തോനേഷ്യ, ഇറ്റലി, ജപ്പാന്‍, ജോര്‍ദാന്‍, കുവൈത്ത്, കിര്‍ഗിസ്ഥാന്‍, ലക്സംബര്‍ഗ്, മാല്‍ദീവ്സ്, മാള്‍ട്ട, മൗറീഷ്യസ്, മല്‍ഡോവ, മൊണാകോ, നെതര്‍ലന്‍ഡ്, ന്യൂസീലന്റ്, നോര്‍വെ, ഒമാന്‍, പോളണ്ട്, പോര്‍ച്ചുഗല്‍, ഖത്തര്‍, അയര്‍ലാന്‍ഡ്, റൊമാനിയ, സാന്‍ മറിനോ, സൗദി അറേബ്യ, സെര്‍ബിയ, സീഷ്യെല്‍സ്, സിംഗപ്പൂര്‍, സ്ലൊവാക്യ, സ്ലൊവേനിയ, സൗത്ത് കൊറിയ, സ്വീഡന്‍, സ്വിറ്റ്‌സര്‍ലാന്‍ഡ്, തായ്‍വാന്‍, താജികിസ്ഥാന്‍, തുര്‍ക്മെനിസ്ഥാന്‍, ഉക്രൈന്‍ എന്നീ രാജ്യങ്ങളാണ് നിലവില്‍ ഗ്രീന്‍ ലിസ്റ്റില്‍ ഉള്‍പ്പെട്ടിട്ടുള്ളത്.
https://www.facebook.com/Malayalivartha
