യുഎഇയിൽ കോ​വി​ഡ്​ കേ​സു​ക​ള്‍ കുത്തനെ കു​റ​ഞ്ഞ​തോ​ടെ ആ​ദ്യ കോ​വി​ഡ്​ ഡ്രൈ​വ്​ ത്രൂ ​പി.​സി.​ആ​ര്‍ പ​രി​ശോ​ധ​ന​കേ​ന്ദ്രം അ​ട​ച്ചതായി റിപ്പോർട്ട്. സാ​യി​ദ് സ്പോ​ര്‍ട്സ് സി​റ്റി​യി​ലെ സെന്‍റ​റാ​ണ്​ അ​ട​ച്ചിരിക്കുന്നത്. ആയതിനാൽ തന്നെ പി.​സി.​ആ​ര്‍ പ​രി​ശോ​ധ​ന​യോ വാ​ക്​​സി​നേ​ഷ​നോ ആ​വ​ശ്യ​മു​ള്ള​വ​ര്‍ മ​റ്റു കേ​ന്ദ്ര​ങ്ങ​ളി​ല്‍ ബു​ക്ക് ചെ​യ്യാ​ന്‍ നി​ര്‍ദേ​ശി​ച്ചി​ട്ടു​ണ്ട്.

അ​ബൂ​ദ​ബി ഹെ​ല്‍ത്ത് സ​ര്‍വി​സ​സ് കമ്പ​നി​യാ​ണ് സാ​യി​ദ് സ്പോ​ര്‍ട്സ് സി​റ്റി​യി​ലെ സെന്‍റ​ര്‍ അ​ട​ച്ച​ത്. യു.​എ.​ഇ​യി​ലെ എ​ല്ലാ സ്വ​കാ​ര്യ ആ​ശു​പ​ത്രി​ക​ളും കോ​വി​ഡ് -19 കേ​സു​ക​ളി​ല്‍നി​ന്ന് മു​ക്ത​മാ​ണെ​ന്ന് അ​ബൂ​ദ​ബി ആ​രോ​ഗ്യ വ​കു​പ്പ് അ​ടു​ത്തി​ടെ പ്ര​ഖ്യാ​പി​ച്ചുകൊണ്ട് രംഗത്ത് എത്തിയിരുന്നു. അ​ബൂ​ദ​ബി​യി​ലെ റ​ഹ്ബ ഹോ​സ്പി​റ്റ​ല്‍, അ​ല്‍ഐ​ന്‍ സി​റ്റി​യി​ലെ അ​ല്‍ ഐ​ന്‍ ഹോ​സ്പി​റ്റ​ല്‍, എ​മി​റേ​റ്റി​ലെ മ​റ്റ് ഫീ​ല്‍ഡ് ഹോ​സ്പി​റ്റ​ലു​ക​ള്‍ എ​ന്നി​വി​ട​ങ്ങ​ളി​ല്‍ കോ​വി​ഡ് -19 കേ​സു​ക​ള്‍ കൈ​കാ​ര്യം ചെ​യ്തുവരുകയാണ്. എ​ന്നാ​ല്‍, ഇ​വി​ട​ങ്ങ​ളി​ല്‍ പ്ര​വേ​ശ​നം പ​രി​മി​ത​മാക്കിയിട്ടുണ്ട്.

അതേസമയം യുഎഇയില്‍ കഴിഞ്ഞ ദിവസം 75 പേര്‍ക്ക് കൂടി കൊവിഡ് വൈറസ് ബാധ സ്ഥിരീകരിച്ചതായി ആരോഗ്യ പ്രതിരോധ മന്ത്രാലയം അറിയിച്ചു. ചികിത്സയിലായിരുന്ന 99 പേരാണ് രോഗമുക്തരായത്. കഴിഞ്ഞ 24 മണിക്കൂറിനിടെ കൊവിഡ് ബാധിച്ച്മരണങ്ങളൊന്നും തന്നെ റിപ്പോര്‍ട്ട് ചെയ്തിട്ടില്ല.

കൂടാതെ പുതിയതായി നടത്തിയ 2,78,127 കൊവിഡ് പരിശോധനകളില്‍ നിന്നാണ് പുതിയ രോഗികളെ കണ്ടെത്തിയിരിക്കുന്നത്. ആകെ 9.59 കോടി കൊവിഡ് പരിശോധനകളാണ് രാജ്യത്ത് ഇതുവരെ നടത്തിയിട്ടുള്ളത്. ഇതുവരെയുള്ള കണക്കുകള്‍ പ്രകാരം ആകെ7,40,647 പേര്‍ക്ക് യുഎഇയില്‍ കൊവിഡ് വൈറസ് ബാധ സ്ഥിരീകരിക്കുകയും ചെയ്തിട്ടുണ്ട്. ഇവരില്‍ 7,35,173 പേര്‍ ഇതിനോടകം തന്നെ രോഗമുക്തരായി. 2,142 പേരാണ് രാജ്യത്ത് ആകെ കൊവിഡ് ബാധിച്ച് മരണപ്പെട്ടത്. നിലവില്‍ രാജ്യത്ത് 3,332 കൊവിഡ് രോഗികളാണ് ചികിത്സയിൽ കഴിയുന്നത്.