ഇനി മുതല്‍ സൗദിയില്‍ സ്ത്രീകള്‍ക്കും വോട്ട് രേഖപ്പെടുത്താം. രാജ്യത്തിന്റെ ചരിത്രത്തില്‍ ആദ്യമായാണ് ഇത്തരം ഒരു നിയമം നടപ്പിലാക്കുന്നത്. രാജ്യത്തുടനീളം നടക്കുന്ന തദ്ദേശ തെരഞ്ഞെട്ടുപ്പിലാണ് ആദ്യമായി പുതിയ നിയമം നിലവില്‍ വരിക. മക്കയിലും മദീനയിലും ഇതിനോടകം തന്നെ ഇതിനായുള്ള രജിസ്‌ട്രേഷന്‍ നടപടികള്‍ ആരംഭിച്ചു. ഡിസംബറില്‍ ഇവിടെ പ്രാദേശിക തെരഞ്ഞെടുപ്പു നടക്കും. അധികം സ്ത്രീകള്‍ രജിസ്‌ട്രേഷന്റെ നടപടി ക്രമങ്ങള്‍ക്കായി മുന്നോട്ടു വന്നിട്ടില്ല. എന്നാല്‍ ദിവസങ്ങള്‍ക്കുള്ളില്‍ കൂടുതല്‍ സ്ത്രീകള്‍ വാര്‍ത്ത അറിഞ്ഞ് വോട്ടവകാശം നേടുന്നതിനായി മുന്നോട്ടു വരുമെന്നാണ് അധികൃകതര്‍ കരുതുന്നത്.

പുതിയ നിയമപ്രകാരം പുരുഷന്‍മാരോടൊപ്പം തെരഞ്ഞെടുപ്പുകളില്‍ മത്സരിക്കുവാനുള്ള അവകാശവും സ്ത്രീകള്‍ക്ക് ലഭിക്കും. അന്തരിച്ച മുന്‍ രാജാവ് അബ്ദുള്‍ ബിന്‍ അബ്ദുള്‍ അസീസ് സൗദാണ് സ്ത്രീകള്‍ക്കും വോട്ടവകാശം നല്‍കുന്ന നിയമത്തിനുള്ള ചുക്കാന്‍ പിടിച്ചത്. പുതിയ ഉത്തരവ് സൗദി ഗസറ്റ് ജമാല്‍ അല്‍ സാദിയില്‍ പ്രസിദ്ധപ്പെടുത്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha