ഏറെക്കാലത്തെ ബഹ്റൈന്റെ സ്വപ്നം പൂവണിഞ്ഞു.... ബഹിരാകാശ ഗവേഷണ രംഗത്ത് പുതുചരിത്രമെഴുതി ബഹ്റൈന്, യുഎഇയും ബഹ്റൈനും സംയുക്തമായി നിര്മിച്ച ലൈറ്റ്-1 എന്ന നാനോ സാറ്റ ലൈറ്റ് വിജയകരമായി വിക്ഷേപിച്ചു, ഇടിമിന്നലില്നിന്നും മേഘങ്ങളില്നിന്നുമുള്ള ഗാമ കിരണങ്ങളെക്കുറിച്ചുള്ള പഠനമാണ് ഉപഗ്രഹത്തിന്റെ ദൗത്യം
ഏറെക്കാലത്തെ ബഹ്റൈന്റെ സ്വപ്നം പൂവണിഞ്ഞു.... ബഹിരാകാശ ഗവേഷണ രംഗത്ത് പുതുചരിത്രമെഴുതി ബഹ്റൈന്, യുഎഇയും ബഹ്റൈനും സംയുക്തമായി നിര്മിച്ച ലൈറ്റ്-1 എന്ന നാനോ സാറ്റ ലൈറ്റ് വിജയകരമായി വിക്ഷേപിച്ചു, ഇടിമിന്നലില്നിന്നും മേഘങ്ങളില്നിന്നുമുള്ള ഗാമ കിരണങ്ങളെക്കുറിച്ചുള്ള പഠനമാണ് ഉപഗ്രഹത്തിന്റെ ദൗത്യം.
ബഹ്റൈന്റെ ആദ്യ ഉപഗ്രഹ വിക്ഷേപണമാണിത്. ബഹ്റൈന് സമയം ഉച്ചക്ക് ഒരുമണിക്ക് ഫ്ലോറിഡയിലെ കെന്നഡി സ്പേസ് സെന്ററില്നിന്നാണ് സ്പേസ് എക്സ് ഫാല്ക്കണ് 9 റോക്കറ്റില് ഉപഗ്രഹം അന്താരാഷ്ട്ര ബഹിരാകാശ നിലയം ലക്ഷ്യമാക്കി കുതിച്ചത്.
ബഹ്റൈന്റെ ആദ്യ ഉപഗ്രഹമായ ലൈറ്റ്-1 വിക്ഷേപണത്തിന് മുമ്പ് ആവശ്യമായ എല്ലാ മുന്കരുതല് പരിശോധനകളും പൂര്ത്തിയാക്കിയിരുന്നു.
400 കിലോമീറ്റര് ഉയരത്തിലുള്ള ഭ്രമണപഥത്തില് സ്ഥിതിചെയ്യുന്ന ഉപഗ്രഹത്തെ അടുത്തഘട്ടത്തില് അന്താരാഷ്ട്ര ബഹിരാകാശ നിലയത്തിലുള്ള ജപ്പാന്റെ പേടകത്തില്നിന്ന് ഭൂമിക്ക് ചുറ്റുമുള്ള ഭ്രമണപഥത്തിലേക്ക് ഉയര്ത്തും. അടുത്തവര്ഷം ആദ്യ പാദത്തിലായിരിക്കും ഇത് നിര്വഹിക്കുക.
അബൂദബിയിലെ ഖലീഫ യൂനിവേഴ്സിറ്റി, ലിത്വാനിയയിലെ വില്നിയസ്, ഡെന്മാര്ക്കിലെ ആല്ബോര്ഗ് എന്നീ കേന്ദ്രങ്ങളുമായാണ് ഉപഗ്രഹം വിവരവിനിമയം നടത്തുന്നത്. ബഹിരാകാശ ഗവേഷണ രംഗത്തെ മുന്നിര രാജ്യങ്ങള്ക്കൊപ്പം ബഹ്റൈനെ പ്രതിഷ്ഠിക്കുന്നതിലേക്കുള്ള ആദ്യ ചുവടുവെപ്പാണിത്.
https://www.facebook.com/Malayalivartha
