സൗദിയിൽ ശക്തമായ ആക്രമണം; ജാഗ്രതയോടെ പ്രവാസികൾ! മിസൈല് ആക്രമണത്തില് രണ്ടു പേര് കൊല്ലപ്പെട്ടു, നിരവധി പേര്ക്ക് പരിക്കേറ്റതായി അധികൃതർ, ഇതിൽ ഒരു ഇന്ത്യക്കാരനുമുണ്ട്
സൗദി അറേബ്യയില് ഏവരെയും ഞെട്ടലിലാഴ്ത്തി ശക്തമായ ആക്രമണം നടന്നതായി റിപ്പോർട്ട്. മിസൈല് ആക്രമണത്തില് രണ്ടു പേര് കൊല്ലപ്പെട്ടു. നിരവധി പേര്ക്ക് പരിക്കേറ്റതായി അധികൃതർ അറിയിച്ചു. ഇതില് ഇന്ത്യക്കാരനും ഉള്പ്പെടുന്നതായാണ് സൂചന. കാറുകളും വീടുകളും തകര്ന്നു. ഏറെ വര്ഷങ്ങളായി തുടരുന്ന സൗദി-ഹൂത്തി യുദ്ധത്തിന്റെ തുടര്ച്ചയായിട്ടാണ് ആക്രമണം നടന്നത്.
അതിര്ത്തില് ഇരുഭാഗവും ആക്രമണങ്ങള് തുടരുന്നുവെന്നാണ് റിപ്പോര്ട്ടുകള് ചൂണ്ടിക്കാണിക്കുന്നത്. ഇനിയും ഇത്തരത്തിൽ മിസൈല് ആക്രമണം സൈന്യം പ്രതീക്ഷിക്കുകയാണ്. കഴിഞ്ഞ കുറച്ച് നാളുകളായി യമനില് സൗദി സഖ്യസേന ആക്രമണം ശക്തമാക്കിയിരിക്കുകയാണ്. ഇതിനുള്ള തിരിച്ചടിയുടെ ഭാഗമായിട്ടാണ് സൗദിയിലേക്ക് വീണ്ടും ഹൂത്തികള് ആക്രമണം നടത്തുന്നത്. 2014ല് തുടങ്ങിയ യുദ്ധം അവസാനിപ്പിക്കാന് വിദേശ ഇടപെടലുകള് നടക്കുന്നുണ്ടെങ്കിലും സമാധാനം ഇതുവരെ ഉണ്ടായിട്ടില്ല.
സൗദിയിലെ ജീസാന് നഗരത്തെ ലക്ഷ്യമിട്ടായിരുന്നു ഹൂത്തുകളുടെ ആക്രമണം നടന്നത്. രണ്ടു പേര് കൊല്ലപ്പെട്ടുവെന്ന് സൗദി സ്റ്റേറ്റ് മിഡിയ ആണ് റിപ്പോര്ട്ട് ചെയ്തത്. കൊല്ലപ്പെട്ടതില് ഒരാള് സൗദിക്കാരനാണ്. മറ്റൊരാള് യമന് സ്വദേശിയുമാണ്. പരിക്കറ്റവരില് ആറ് പേര് സൗദിക്കാരാണ്. ഇതിൽ ഒരു ഇന്ത്യക്കാരനുമുണ്ട്. ഇദ്ദേഹം ബംഗാളില് നിന്നുള്ള വ്യക്തിയാണെന്ന് റിപ്പോര്ട്ടുകള് ചൂണ്ടിക്കാണിക്കുന്നു.
അതോടൊപ്പം തന്നെ ആക്രമണത്തില് നിരവധി കാറുകള് കത്തി നശിച്ചു. വീടുകള് തകര്ന്നിട്ടുണ്ട്. ശക്തമായ ആക്രമണമാണ് ഹൂത്തികളുടെ ഭാഗത്ത് നിന്നുണ്ടായിരിക്കുന്നത്. ഹൂത്തികളെ സൗദി അറേബ്യ തീവ്രവാദ സംഘടനയായിട്ടാണ് ഇത് കരുതുന്നത്. ഇവരുടെ സൈനിക കേന്ദ്രങ്ങളില് സൗദി സഖ്യ സേന കഴിഞ്ഞ ദിവസം ആക്രണം നടത്തിയിരുന്നു. ഇതിനുള്ള തിരിച്ചടിയാണ് ജീസാനിലുണ്ടായത്.
ഇതുകൂടാതെ സൗദി സൈന്യം യമനില് നടത്തിയ ആക്രമണത്തില് രണ്ടു പേര് കൊല്ലപ്പെട്ടു. ഒരു സ്ത്രീയും കുട്ടിയുമാണ് കൊല്ലപ്പെട്ടതെന്ന് ഹൂത്തികളുടെ നിയന്ത്രണത്തിലുള്ള അല് മസീറ ടെലിവിഷന് റിപ്പോര്ട്ട് ചെയ്യുകയുണ്ടായി. യമനിലെ അല് മഹ്വിത് ഗവര്ണറേറ്റിലായിരുന്നു ആക്രമണം. തൊട്ടുപിന്നാലെ സൗദിയിലെ നജ്റാന് ലക്ഷ്യമിട്ട് മിസൈലുകള് എത്തിയിരുന്നു.
അതേസമയം യമന് തലസ്ഥാനമായ സന്ആയില് ഹൂത്തി സൈനികരുടെ ക്യാമ്പ് സ്ഥാപിച്ചിട്ടുണ്ട്. ഇവിടെ സൗദി സൈന്യം മിസൈല് ആക്രമണം നടത്തിയിരുന്നു. ഇതാണ് മേഖലയില് വീണ്ടും സംഘര്ഷ സാഹചര്യമുണ്ടാകാന് കാരണമായി പറയുന്നത്. ഇപ്പോള് ഇരുഭാഗത്തും ആക്രമണവും തിരിച്ചടിയും നടക്കുന്നുണ്ട്. അതിര്ത്തിയുള്ളവര് ജാഗ്രത പാലിക്കുന്നു എന്നാണ് റിപ്പോര്ട്ടുകള് സൂചിപ്പിക്കുന്നത്.
ജസാനിലെ സംത ഗവര്ണറേറ്റിലേക്കാണ് മിസൈലുകള് വന്നതെന്നും യമനില് നിന്നാണ് മിസൈല് ആക്രമണമുണ്ടായതെന്നും സിവില് ഡിഫന്സ് ഡയറക്ട്രേറ്റ് ജനറല് ഓഫീസ് വക്താവ് കേണല് മുഹമ്മദ് അല് ഹമ്മദ് പറഞ്ഞു. മേഖലയില് രക്ഷാപ്രവര്ത്തനത്തിന് ഉദ്യോഗസ്ഥരെ നിയമിച്ചെന്നും അദ്ദേഹം അറിയിച്ചു. ഒരു കച്ചവട സ്ഥാപനം പൂര്ണമായി തകര്ന്നിട്ടുണ്ട്.
https://www.facebook.com/Malayalivartha