ഗള്‍ഫ് മേഖലയില്‍ ജോലി തേടിയെത്തുന്ന ഇന്ത്യക്കാരുടെ എണ്ണം കുറഞ്ഞതായി റിപ്പോര്‍ട്ട് . ഗള്‍ഫ്  രാജ്യങ്ങളില്‍ എണ്ണ വാതക വ്യവസായ മേഖലയില്‍ അനുഭവപ്പെട്ട വിലയിടിവാണ് കാരണമായി ചൂണ്ടിക്കാട്ടുന്നത്.എണ്ണ വാതക രംഗത്ത് പുതിയ രീതിയിലുള്ള വികസന പ്രവര്‍ത്തനങ്ങള്‍ കുറഞ്ഞതും പ്രശ്‌നമായി .

സൗദിയില്‍ തൊഴില്‍ ,വാണിജ്യ ,വ്യാപാര മേഖലയില്‍ സ്വദേശികളെ നിയമിക്കാനുള്ള ശ്രമം വര്‍ധിച്ചതും കൂടുതല്‍ തൊഴില്‍ അവസരങ്ങളില്‍ കുറവുണ്ടാക്കി .ആറ് ഗള്‍ഫ് രാജ്യങ്ങളിലായി ജോലി ചെയുന്ന ഇന്ത്യന്‍ തൊഴിലാളികളുടെ എണ്ണം 2015 ല്‍ 7,58,684 ആയിരുന്നു .ഇത് 2016 ല്‍ 5,07,296 ആയി കുറഞ്ഞുവന്നു കേന്ദ്ര വിദേശകാര്യ മന്ത്രാലയത്തിന്റെ ഔദ്യോഗിക കണക്കുകള്‍ .യു.എ.ഇ .യില്‍ ഇന്ത്യന്‍ തൊഴിലാളികളുടെ എണ്ണം 2,25,512 ആയിരുന്നത് ഇപ്പോള്‍ 1,63 ,731 ആയി കുറഞ്ഞു .

സൗദിയില്‍ മാത്രമായി 3,06 ,642 ഇന്ത്യക്കാരുണ്ടായിരുന്ന സ്ഥാനത്ത് എപ്പോള്‍ ഉള്ളത് 1,65,356 പേര്‍ മാത്രമാണ് .ജി സി സി രാജ്യങ്ങളിലെ സാമ്പത്തിക ബുദ്ധിമുട്ട് ഗള്‍ഫിലേക്ക് ജോലി തേടിയെത്തുന്ന തൊഴിലാളികളുടെ എണ്ണം കുറയാന്‍ കരണമാക്കിയതായി വിദേശകാര്യമന്ത്രാലയം ചൂണ്ടിക്കാട്ടുന്നു . 

ഗള്‍ഫ് രാജ്യങ്ങളില്‍ നിന്നും ഇന്ത്യയിലേക്കുള്ള പണമൊഴുക്കും കുറഞ്ഞു .കഴിഞ്ഞ വര്‍ഷത്തെ അപേക്ഷിച്ച 9 ശതമാനമാണ് കുറഞ്ഞത് .കഴിഞ്ഞ സാമ്പത്തിക വര്ഷം 68 .9 ബില്യണ്‍ ആയിരുന്നു ഇന്ത്യയിലേക്ക് അയച്ച പണം.ഖത്തറിലേക്ക് ജോലി തേടി പോകുന്നതിനുള്ള ആശങ്കകള്‍ നിലനില്‍ക്കുന്നു.ജി സി സി രാജ്യങ്ങളുടെ മൂല്യവര്‍ധിത നികുതി ഏര്‍പെടുത്തുന്നതിലുള്ള നടപടികളും ഗള്‍ഫിലുള്ള ഇന്ത്യക്കാര്‍ക്ക് ആശ്വാസകരമായി തോന്നുന്നില്ല .സൗദിയില്‍ ഏര്‍പ്പെടുത്തിയ പുതിയ കുടുംബ നികുതിയും ആശങ്കയുണ്ടാക്കിയിട്ടുണ്ട് .