ദുബായ്: ബു​ര്‍​ജ്​ അ​ല്‍ അ​റ​ബി​ന്​ സ​മീ​പം വെ​ള്ള​ത്തി​ല്‍ പൊ​ങ്ങി​കി​ട​ക്കും വി​ധം നി​ര്‍​മി​ച്ച ഫ്ലോ​ട്ടി​ങ് വി​ല്ല ക​ട​ലി​ല്‍ മുങ്ങി. കടൽ പ്രക്ഷുബ്ധമായതിനെത്തുടർന്നാണ് വി​ല്ല വെ​ള്ള​ത്തി​ല്‍ മു​ങ്ങി​യ​തെ​ന്ന് ദു​ബൈ പൊ​ലീ​സ് സ്ഥിരീകരിച്ചു. സം​ഭ​വ​ത്തി​ല്‍ ആളപായങ്ങളൊന്നും റി​പ്പോ​ര്‍​ട്ട്​ ചെ​യ്​​തി​ട്ടി​ല്ല. ക​ഴി​ഞ്ഞ​വ​ര്‍ഷ​മാ​ണ് ' സീ​ഹോ​ഴ്​​സ്​ 'എ​ന്ന പേ​രി​ല്‍ വെ​ള്ള​ത്തി​ല്‍ പൊ​ങ്ങി കി​ട​ക്കു​ന്ന ലോ​ക​ത്തിലെ ത​ന്നെ ആ​ദ്യ​ത്തെ വി​ല്ല നിർമ്മിച്ചത്.

മൂ​ന്ന് നി​ല​ക​ളു​ള്ള വി​ല്ല​യു​ടെ ഒ​രു നി​ല വെ​ള്ള​ത്തി​ന​ടി​യി​ലും ബാ​ക്കി മു​ക​ളി​ലു​മാ​യാ​ണ് നിർമ്മിച്ചിരുന്നത്. ശക്തമായ തി​ര​മാ​ല​ക​ളാ​ണ് വി​ല്ല മു​ങ്ങാ​ന്‍ കാ​ര​ണ​മെ​ന്ന് പൊ​ലീ​സ് അ​റി​യി​ച്ചു. എ​ന്നാ​ല്‍ വി​ല്ല​യോ​ട് ചേ​ര്‍ന്ന് നിർമ്മിച്ച പ്ലാ​റ്റ്ഫോ​മാ​ണ് മു​ങ്ങി​യ​തെ​ന്ന് റി​യ​ല്‍ എ​സ്​​റ്റേ​റ്റ് കമ്പനിയായ ക്ലെ​ന്‍ഡി​ന്‍​സ്​​റ്റ്​ ഗ്രൂ​പ്പ് വി​ശ​ദീ​ക​രി​ച്ചു.

ബു​ധ​നാ​ഴ്​​ച ഉ​ച്ച​ക്ക്​ അ​നു​ഭ​വ​പ്പെ​ട്ട പ​ടു​കൂ​റ്റ​ന്‍ തി​ര​മാ​ല​ക​ളാ​ണ്​ വി​ല്ല​യെ ത​ക​ര്‍​ത്ത​തെ​ന്ന്​ പൊ​ലീ​സ്​ പ​റ​ഞ്ഞു. എ​ട്ട്​ മീ​റ്റ​ര്‍ ഉ​യ​ര​ത്തി​ല്‍ വ​രെ ഉയർന്ന തി​ര​മാ​ല​ക​ള്‍ ആണ് ഈ നാശനത്തിനു കാരണമായത്. സം​ഭ​വം അ​റി​ഞ്ഞ​യു​ട​ന്‍ തന്നെ 'പോലീസ് ബോ​ട്ടു​ക​ള്‍' സ്ഥലത്തു​ എ​ത്തി​യി​രു​ന്നു.