ബംഗ്ലാദേശില് കെട്ടിടം തകര്ന്നുണ്ടായ അപകടത്തില് മരിച്ചവരുടെ എണ്ണം 140 ആയി
എട്ടുനിലക്കെട്ടിടം തകര്ന്ന് ബംഗ്ലാദേശില് മരിച്ചവരുടെ എണ്ണം 140 ആയി. ആയിരത്തോളം പേര്ക്കു പരിക്കേറ്റിട്ടുണ്ട്. പരിക്കേറ്റവരില് പലരുടേയും നില ഗുരുതരമാണ്. ധാക്കയുടെ പ്രാന്തപ്രദേശത്തുള്ള റാനാ പ്ലാസാ സവാര് എന്ന ബഹുനിലക്കെട്ടിടമാണു തകര്ന്നത്. മൂന്നു വസ്ത്രനിര്മാണ ഫാക്ടറികളും മുന്നൂറിലധികം കടകളും ഒരു ബാങ്കും പ്രവര്ത്തിച്ചിരുന്ന കെട്ടിടമാണ് തകര്ന്നത്. ഫാക്ടറികളിലും മറ്റുമായി ആറായിരത്തോളം പേര് ജോലി ചെയ്തിരുന്നു. നിരവധി പേര്കെട്ടിടത്തില് കുടുങ്ങികിടക്കുന്നതായാണ് റിപ്പോര്ട്ട്. മരണസംഖ്യ ഇനിയും വര്ധിച്ചേക്കുമെന്ന് വാര്ത്താ ഏജന്സി റിപ്പോര്ട്ട് ചെയ്തു. രക്ഷാപ്രവര്ത്തനങ്ങള് തുടര്ന്നുകൊണ്ടിരിക്കുകയാണ്.
ഇന്നലെ രാവിലെ പ്രാദേശിക സമയം 9 നാണ് കെട്ടിടം തകര്ന്ന് വീണത്. നിയമവിരുദ്ധമായാണ് കെട്ടിടം നിര്മ്മിച്ചിരിക്കുന്നത്. കെട്ടിടത്തില് വിള്ളല് കണ്ടെത്തിയതായി തൊഴിലാളികള് തലേദിവസം മാനേജര്മാരെ അറിയിച്ചിരുന്നു. എന്നാല് അക്കാര്യം മാനേജര്മാര് കാര്യയെടുത്തില്ലെന്ന ആരോപണമുണ്ട്.
https://www.facebook.com/Malayalivartha
