മാധ്യമങ്ങളെ സ്വാധീനിക്കാന് പാക് സര്ക്കാര് ചെലവാക്കിയത് 10 കോടി
പാക്കിസ്ഥാനില് മാധ്യമങ്ങളെ സ്വാധീനിക്കാന് സര്ക്കാര് കോടിക്കണക്കിന് രൂപ ചെലവാക്കി. 20 മാസം കൊണ്ട് 10 കോടിരൂപയാണ് ചെലവാക്കിയത്. ഇന്ഫര്മേഷന് മന്ത്രാലയത്തിന്റെ രഹസ്യഫണ്ടില് നിന്നാണ് മാധ്യമങ്ങള്ക്ക് പണം നല്കിയത് എന്നാണ് റിപ്പോര്ട്ട്. പ്രത്യേക ജോലിക്ക് എന്ന് പറഞ്ഞാണ് പണം നല്കിയിരിക്കുന്നത്. എന്നാല് ജോലിയെന്താണെന്ന് വ്യക്തമാക്കിയിട്ടില്ല. കോടതിയില് പരാതി എത്തിയതിനെ തുടര്ന്നാണ് പാക് സര്ക്കാര് ഇക്കാര്യം പുറത്തു വിട്ടത്. പാക്കിസ്ഥാനിലെ രണ്ട് പത്രപ്രവര്ത്തകരാണ് ഇതിനെതിരെ കോടതിയെ സമീപിച്ചത്. സര്ക്കാര് പുറത്തു വിട്ട റിപ്പോര്ട്ടില് പണം സ്വീകരിച്ച മാധ്യമ പ്രവര്ത്തകരുടെ പേരും ഉണ്ട്. വിവിധ ക്ഷേമ പദ്ധതികള്ക്കും മാധ്യമ സമ്പര്ക്ക പരിപാടികള്ക്കും ചെലവഴിക്കുന്ന പണത്തിന് പുറമേയാണ് ഇത്തരത്തില് പണം നല്കിയിരിക്കുന്നത്. എന്നാല് നിയമപ്രകാരമുള്ള പദ്ധതികളില് പണമുണ്ടായിരിക്കെ രഹസ്യ ഫണ്ടില് നിന്ന് പണം നല്കിയത് തങ്ങളെ അപമാനിക്കാന് വേണ്ടിയാണെന്ന് ആരോപിച്ച് മാധ്യപ്രവര്ത്തകരും രംഗത്തെത്തിയിട്ടുണ്ട്. ഇതിനെതിരെ അന്വേഷണം വേണമെന്ന് പാക് മാധ്യമപ്രവര്ത്തകരുടെ സംഘടനകള് ആവശ്യപ്പെട്ടു.
https://www.facebook.com/Malayalivartha