ജസീന്തയുടെ ഇന്ക്വസ്റ്റ് നടപടിയില് ഓസ്ട്രേലിയന് ജോക്കിയും ഹാജരാകും
വില്യം രാജകുമാരന്റെ ഭാര്യ കെയ്റ്റ് മിഡില്ടണിന്റെ ഗര്ഭവിവരങ്ങള് ഓസ്ട്രേലിയയിലെ റേഡിയോ അവതാരകര് ചോര്ത്തിയ സംഭവത്തെ തുടര്ന്ന് ആത്മഹത്യ ചെയ്ത ഇന്ത്യന് നഴ്സ് ജസീന്തയുടെ ഇന്ക്വസ്റ്റില് കേസിലുള്പ്പെട്ട റേഡിയോ ജോക്കികളിലൊരാള് ഹാജരാകും. വിവരം ചോര്ത്താന് വ്യാജ ഫോണ്വിളി നടത്തിയ ഓസ്ട്രേലിയന് റേഡിയോ ജോക്കികളിലൊരാളായ മെല് ഗ്രീഗാണ് ഹാജരാവുക. തന്റെ മരണത്തിനു കാരണക്കാര് സിഡ്നിയിലെ ടു ഡേ എഫ്എം റേഡിയോയിലെ ജോക്കികളായ മൈക്കല് ക്രിസ്റ്റിയനും മെല് ഗ്രെയ്ഗുമാണെന്നു ജസീന്ത ആത്മഹത്യാക്കുറിപ്പില് രേഖപ്പെടുത്തിയിരുന്നു. സെപ്റ്റംബര് 12-നാണ് ഇന്ക്വസ്റ്റ്്. കെയ്റ്റിനെ പ്രവേശിപ്പിച്ചിരുന്ന കിംഗ് എഡ്വേര്ഡ് ആശുപത്രിയിലെ നഴ്സായിരുന്നു കര്ണാടക ഉഡുപ്പി സ്വദേശിനി ജസീന്ത സല്ദാത്ത. എലിസബത്ത് രാജ്ഞിയുടെയും ചാള്സ് രാജകുമാരന്റെയും ശബ്ദത്തില് ആശുപത്രിയിലേക്കു ഫോണില് വിളിച്ച മൈക്കലും മെല് ഗ്രെയ്ഗും റിസപ്ഷനിലുണ്ടായിരുന്ന ജസീന്തയോടു കെയ്റ്റിന്റെ വിവരങ്ങള് ചോദിക്കുകയും വാര്ഡിലേക്കു ഫോണ് കൈമാറാന് ആവശ്യപ്പെടുകയുമായിരുന്നു. വാര്ഡിലുണ്ടായിരുന്ന നഴ്സില് നിന്നുകിട്ടിയ വിവരങ്ങള് അവര് പ്രക്ഷേപണം ചെയ്തു. സംഭവം വിവാദമായതോടെ ഇതില് മനംനൊന്ത് ജസീന്ത ആത്മഹത്യ ചെയ്യുകയായിരുന്നു.
https://www.facebook.com/Malayalivartha