അക്കൗണ്ടുകള് ഹാക്കു ചെയ്യുന്ന പശ്ചാത്തലത്തില് പ്രമുഖ മാധ്യമ സ്ഥാപനങ്ങള്ക്ക് ട്വിറ്ററിന്റെ ജാഗ്രതാ നിര്ദേശം
സിറിയന് ഇലക്ട്രോണിക് ആര്മി പ്രമുഖ മാധ്യമങ്ങളുടെ അക്കൗണ്ടുകള് ഹാക്ക് ചെയ്യുന്ന പശ്ചാത്തലത്തില് സുരക്ഷ ശക്തിപ്പെടുത്തണമെന്ന് ട്വിറ്റര് മുന്നറിയിപ്പു നല്കി. കഴിഞ്ഞയാഴ്ച ഗാര്ഡിയന് പത്രത്തിന്റെ ട്വിറ്റര് അക്കൗണ്ട് ഹാക്ക് ചെയ്തത് സിറിയന് ഇലക്ടോണിക് ആര്മിയാണെന്ന് ട്വിറ്റര് സ്ഥിരീകരിച്ചിട്ടുണ്ട്. കൂടാതെ പ്രധാന മാധ്യമങ്ങളായ ബി.ബി.സി, ഫ്രാന്സ് 24 ടി.വി,അമേരിക്കയിലെ ദേശീയ റേഡിയോ എന്നിവയുടെ ട്വിറ്റര് അക്കൗണ്ടുകളും ഹാക്ക് ചെയ്യാനുള്ള ശ്രമങ്ങള് നടന്നതായും ട്വിറ്റര് അറിയിച്ചു.
ഇരുപതില് കൂടുതല് അക്ഷരങ്ങളുള്ള പാസ്വേഡ് ഉപയോഗിക്കാനും ട്വിറ്റര് മാധ്യമ സ്ഥാപനങ്ങളോട് നിര്ദേശിച്ചിട്ടുണ്ട്. കൂടാതെ കഴിവതും ഒരു കമ്പ്യൂട്ടറില് നിന്ന് ട്വിറ്റര് അക്കൗണ്ട് ഉപയോഗിക്കണമെന്നും അവര് പറയുന്നു. ഇമെയില് മുഖേനയാണ് മാധ്യമങ്ങള്ക്ക് ഇത്തരത്തിലുള്ള ജാഗ്രതാ നിര്ദേശം ട്വിറ്റര് നല്കിയിരിക്കുന്നത്. എന്നാല് ഇക്കാര്യത്തില് കൂടുതല് ശ്രദ്ധ ട്വിറ്ററിന്റെ ഭാഗത്തു നിന്ന് ഉണ്ടാകണമെന്ന് ബി.ബി.സി വ്യത്തങ്ങള് പറഞ്ഞു. സിറിയന് പ്രസിഡന്റ് ബാഷര് അല് അസദിനെ പിന്തുണക്കുന്നവരാണ് സിറിയന് ഇലക്ടോണിക് ആര്മി.
https://www.facebook.com/Malayalivartha
