ഔദ്യോഗിക രഹസ്യ നിയമം ലംഘിച്ചുവെന്നാരോപിച്ച് മ്യാന്മറില് ജയിലിലടക്കപ്പെട്ട മാധ്യമപ്രവര്ത്തകരെ വിട്ടയച്ചു
ഔദ്യോഗിക രഹസ്യ നിയമം ലംഘിച്ചുവെന്നാരോപിച്ച് മ്യാന്മറില് ജയിലിലടക്കപ്പെട്ട മാധ്യമപ്രവര്ത്തകര് മോചിതരായി. ഒന്നരവര്ഷത്തോളം നീണ്ട ജയില് വാസത്തിന് ശേഷമാണ് റോയിട്ടേഴ്സിലെ മാധ്യമ പ്രവര്ത്തകരായ വാലോണും ക്യാസോയും സ്വതന്ത്രരായത്.മ്യാന്മറില് സുരക്ഷാ ഉദ്യോഗസ്ഥരുടെ വെടിയേറ്റ് 10 റോഹിcഗ്യനുകള് കൊല്ലപ്പെട്ട സംഭവത്തെക്കുറിച്ച് അന്വേഷിക്കവെ കഴിഞ്ഞ വര്ഷം സെപ്റ്റംബറിലാണ് ഇരുവരെയും ജയിലിലടക്കുന്നത്. ഔദ്യോഗിക രഹസ്യ നിയമം ലംഘിച്ചെന്നായിരുന്നു ഇവര്ക്കെതിരെ ചാര്ത്തിയ കുറ്റം. വിചാരണക്കൊടുവില് ഇരുവരെയും ഏഴുവര്ഷത്തെ തടവിന് ശിക്ഷിക്കുകയും ചെയ്തു
മാധ്യമപ്രവര്ത്തകരെ തുറുങ്കിലടച്ച മ്യാന്മര് സര്ക്കാരിന്റെ നടപടിക്കെതിരെ ലോകമെമ്ബാടും വലിയ പ്രതിഷേധമുയര്ന്നിരുന്നു. മ്യാന്മര് സര്ക്കാരിന്റേത് അന്വേഷണാത്മക മാധ്യമ പ്രവര്ത്തനത്തിന് നേരെയുള്ള കടന്നുകയറ്റമാണും പത്രസ്വാതന്ത്രം അപകടത്തിലാണെന്നും വിമര്ശനമുയര്ന്നു.
രാജ്യത്ത് പ്രഖ്യാപിക്കപ്പെട്ട പൊതുമാപ്പിന്റെ ഭാഗമായാണ് ഇപ്പോള് മാധ്യമപ്രവര്ത്തകരെ വിട്ടയക്കാന് മ്യാന്മര് സര്ക്കാര് തീരുമാനിച്ചത്. കഴിഞ്ഞ മാസം പ്രഖ്യാപിച്ച പൊതുമാപ്പില് ആയിരത്തോളം തടവുകാരെ മ്യാന്മര് വിട്ടയച്ചിരുന്നു.തങ്ങളുടെ ധൈര്യശാലികളായ മാധ്യമപ്രവര്ത്തകരെ വിട്ടയച്ച മ്യാന്മറിന്റെ നടപടിയെ സ്വാഗതം ചെയ്യുന്നതായി റോയിട്ടേഴ്സ് ഏഡിറ്റര് ഇന് ചീഫ് സ്റ്റീഫന് അഡ്ലര് പറഞ്ഞു.മാധ്യമപ്രവര്ത്തനം തുടരുമെന്നും എത്രയും പെട്ടെന്ന് തന്നെ ന്യൂസ് റൂമിലേക്ക് തിരിച്ചെത്തുമെന്നുമായിരുന്നു ജയില് മോചിതനായ ശേഷമുള്ള ആദ്യ പ്രതികരണത്തില് വാ ലോണ് പറഞ്ഞത്.
https://www.facebook.com/Malayalivartha
