കോടതി ഇടപെട്ടു; ലാംബര്‍ട്ടിന് ദയാവധം ഇല്ല!
ഫ്രഞ്ചുകാരന്‍ വിന്‍സെന്റ് ലാംബര്‍ട്ട് പത്തുവര്‍ഷത്തിലധികമായി അബോധാവസ്ഥയില്‍ കഴിയുകയാണ്. നാല്‍പത്തിരണ്ടുകാരനായ വിന്‍സെന്റ് 2008-ല്‍ നടന്ന ഒരു വാഹനാപകടത്തിലാണ് അബോധാവസ്ഥയിലായത്. ഇദ്ദേഹത്തിന്റെ ജീവന്‍ ഏതുവിധേനയും നിലനിര്‍ത്തണമെന്നാണ് കത്തോലിക്കാ വിശ്വാസികളായ മാതാപിതാക്കളുടെ ആവശ്യം.
എന്നാല്‍ വിന്‍സെന്റിന്റെ സഹോദരങ്ങളും ഭാര്യയും ഇനിയും അദ്ദേഹത്തെ ജീവിക്കാന്‍ അനുവദിക്കേണ്ടതില്ലെന്ന പക്ഷക്കാരാണ്. ദയാവധത്തിനുള്ള ഒരുക്കങ്ങളും അവര്‍ തുടങ്ങിവച്ചു. ഭക്ഷണവും ജലവും എത്തിക്കുന്ന ജീവന്‍രക്ഷാ സംവിധാനങ്ങള്‍ നീക്കം ചെയ്യാന്‍ കോടതിയില്‍നിന്ന് ഉത്തരവും നേടി.
ഇതനുസരിച്ച് ഡോക്ടര്‍മാര്‍ നടപടിയെടുക്കവേ , പാരീസിലെ അപ്പീല്‍ കോടതി ജീവന്‍ നിലനിര്‍ത്താനുള്ള ഉത്തരവ് പുറപ്പെടുവിച്ചു. ഇത് മാതാപിതാക്കള്‍ക്ക് വലിയ ആശ്വാസമായി. വിന്‍സെന്റിനെ ജീവിക്കാന്‍ അനുവദിക്കണമെന്ന് ഫ്രാന്‍സിസ് മാര്‍പാപ്പയും ആവശ്യപ്പെട്ടു. ജീവന്‍ ദൈവത്തിന്റെ ദാനമാണെന്നും അതു സംരക്ഷിക്കണമെന്നും മാര്‍പാപ്പ ചൂണ്ടിക്കാട്ടി.
https://www.facebook.com/Malayalivartha
