പാകിസ്ഥാനിലെ ഭീകരരെ സഹായിക്കുന്നത് ഇന്ത്യയെന്ന് പാക് പ്രതിരോധമന്ത്രി ഖൗജ ആസിഫ്.താലിബാന്‍ ഭീകരര്‍ക്ക് ഇന്ത്യയുമായി ബന്ധമുണ്ടെന്നും പാക്കിസ്ഥാനിലെ ഭീകരരെ സഹായിക്കുന്നത് ഇന്ത്യയാണെന്നും അദ്ദേഹം പറഞ്ഞു. ബലൂചിസ്ഥാന്‍ സംഘര്‍ഷത്തില്‍ ഇന്ത്യയ്ക്ക് പങ്കുണ്ടെന്നും തന്റെ അനുഭവത്തിലൂടെയാണ് ഇതു പറയുന്നതെന്നും ഖൗജ ആസിഫ് പറഞ്ഞു. പാക്കിസ്ഥാനിലെ സ്വകാര്യ ചാനലിനു നല്‍കിയ അഭിമുഖത്തിലായിരുന്നു അദ്ദേഹത്തിന്റെ പ്രതികരണം.
ഖൗജയുടെ ആരോപണത്തിന് ഇന്ത്യ ശക്തമായ ഭാഷയില്‍ മറുപടി നല്‍കി. തീവ്രവാദത്തെ വളര്‍ത്തുന്നതും ഭീകരരെ പ്രോല്‍സാഹിപ്പിക്കുന്നതും ആരാണെന്ന് എല്ലാവര്‍ക്കും അറിയാം. അതൊരിക്കലും ഇന്ത്യയല്ലെന്ന് വിദേശകാര്യ മന്ത്രാലയ വക്താവ് സയിദ് അക്ബറുദ്ദീന്‍ പറഞ്ഞു.
അഫ്ഗാന്‍ മണ്ണില്‍ നിന്നുകൊണ്ട് പാക്കിസ്ഥാനെ ആക്രമിക്കാനാണ് ഇന്ത്യ ശ്രമിക്കുന്നതെന്ന് പാക്കിസ്ഥാന്‍ പ്രധാനമന്ത്രിയുടെ ദേശീയ സുരക്ഷ ഉപദേഷ്ടാവ് സര്‍താജ് അസീസ് കഴിഞ്ഞദിവസം അഭിപ്രായപ്പെട്ടിരുന്നു. ഇതിനു തൊട്ടുപിന്നാലെയാണ് പാക്കിസ്ഥാനില്‍ തീവ്രവാദത്തെ പ്രോല്‍സാഹിക്കുന്നത് ഇന്ത്യയാണെന്നുള്ള ആരോപണം പാക്ക് പ്രതിരോധമന്ത്രിയും ഉന്നയിച്ചിരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha