ലിബിയന്‍ തലസ്ഥാനമായ ട്രിപ്പോളിയിഒരു ആഢംബര ഹോട്ടിലില്‍ ഐസിസ് ഭീകരര്‍ നടത്തിയ ആക്രമണത്തില്‍ അഞ്ച് വിദേശികളും മൂന്ന് സുരക്ഷാ ഉദ്യോഗസ്ഥരും കൊല്ലപ്പെട്ടു. ആക്രമത്തില്‍ നിരവധി പേര്‍ക്ക് പരിക്കേറ്റു. വിദേശ സഞ്ചാരികള്‍ തങ്ങുന്ന മെഡിറ്ററേനിയന്‍ തീരത്തെ കോറിന്‍തിയ ഹോട്ടലിലാണ് ഉച്ചയോടെ ആക്രമണം ഉണ്ടായത്.
മുഖംമൂടി ധരിച്ച അഞ്ച് അംഗ തോക്കുധാരികള്‍ റിസ്പഷനിലേക്ക് കടന്നുകയറി തുരുതുരേ വെടിയുതിര്‍ക്കുകയായിരുന്നു. ഭീകരര്‍ക്ക് പിന്നാലെ സുരക്ഷാ ഗാര്‍ഡുകളും ഹോട്ടലിലേക്ക് ഇരച്ചുകയറി. ആക്രമണം തുടങ്ങിയതോടെ ഹോട്ടല്‍ ജീവനക്കാര്‍ നിരവധി വിദേശികളെ ഹോട്ടലിന്റെ പുറം വാതില്‍ വഴി പാര്‍ക്കിങ് ഏരിയയില്‍ എത്തിച്ചെങ്കിലും നിമിഷങ്ങള്‍ക്കകം അവിടെ ഒരു കാര്‍ സ്‌ഫോടനത്തില്‍ തകര്‍ന്നു. തുടര്‍ന്ന് ഹോട്ടലും പരിസരവും സൈന്യം വളയുകയായിരുന്നു. കോറിന്‍തിയ ഹോട്ടലിന് പിന്നിലുള്ള രണ്ട് ഹോട്ടലുകള്‍ സൈന്യം ഒഴിപ്പിച്ചു. ഭീകരയെല്ലാം വധിച്ചുവെന്നും സ്ഥിതി നിയന്ത്രണ വിധേയമാണെന്നും സുരക്ഷാ ഉദ്യോഗസ്ഥര്‍ അറിയിച്ചു. ഇതിനിടെ, ആക്രമണത്തിന് പിന്നില്‍ തങ്ങളാണെന്ന് ഇസ്ലാമിക് സ്‌റ്റേറ്റ് ഭീകര സംഘടന ട്വിറ്റര്‍ അക്കൗണ്ടിലൂടെ പ്രഖ്യാപിച്ചു. പ്രധാനമന്ത്രി ഒമര്‍ ഹല്‍ഹസിയെ ലക്ഷ്യമിട്ടാണോ ഭീകരര്‍ എത്തിയതെന്ന് സംശയിക്കുന്നുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha