കാശ്മീറിനുവേണ്ടി ഏതറ്റം വരെയും പോകും... ഇന്ത്യക്കെതിരെ ആണവ ഭീഷണിയുമായി പാകിസ്ഥാന്; ആണവയുദ്ധത്തില് ആരും വിജയികളാവില്ല; കശ്മീരിലെ നിയന്ത്രണങ്ങള് ഇന്ത്യ അവസാനിപ്പിക്കുന്നത് വരെ കശ്മീരികള്ക്കൊപ്പം നില്ക്കുമെന്ന് ഇമ്രാന് ഖാന്
ആര്ട്ടിക്കിള് 370 എടുത്തു കളഞ്ഞ കശ്മീര് വിഷയത്തില് ഇന്ത്യക്കെതിരെ ആണവ ഭീഷണിയുമായി പാകിസ്ഥാന് പ്രധാനമന്ത്രി ഇമ്രാന് ഖാന്. കശ്മീരിനായി പാകിസ്ഥാന് ഏതറ്റം വരെയും പോകുമെന്ന് ഇമ്രാന്ഖാന് പറഞ്ഞു.കശ്മീരിലെ നിലവിലെ സാഹചര്യത്തെക്കുറിച്ച് രാജ്യത്തെ അഭിസംബോധന ചെയ്യവെയാണ് ഇമ്രാന്റെ പ്രസ്താവന. സെപ്റ്റംബറില് നടക്കുന്ന യു.എന് പൊതുസഭാ യോഗത്തില് കശ്മീരിന്റെ അംബാസഡറായി ജനങ്ങളുടെ പ്രശ്നങ്ങള് താന്അവതരിപ്പിക്കുമെന്നും ഇമ്രാന് വ്യക്തമാക്കി. കശ്മീരിലെ നിയന്ത്രണങ്ങള് ഇന്ത്യ അവസാനിപ്പിക്കുന്നത് വരെ കശ്മീരികള്ക്കൊപ്പം നില്ക്കുമെന്ന് ഇമ്രാന് ഖാന് പാക് ജനതക്ക് ഉറപ്പ് നല്കി.
കശ്മീര് പോരാട്ടം യുദ്ധത്തിലേക്ക് നീങ്ങുകയാണെങ്കില് ഇരു രാജ്യങ്ങള്ക്കും ആണവായുധങ്ങളുണ്ടെന്ന് ഓര്ക്കുക. ആണവയുദ്ധത്തില് ആരും വിജയികളാവില്ല. ലോകത്തിലെ വലിയ രാജ്യങ്ങള്ക്ക് ഈ വിഷയത്തില് വലിയ ഉത്തരവാദിത്തമുണ്ട്. അവര് ഞങ്ങളെ പിന്തുണച്ചാലും ഇല്ലെങ്കിലും പാകിസ്ഥാന് സാധ്യമായതെല്ലാം ചെയ്യും ഇമ്രാന്ഖാന് വ്യക്തമാക്കി.
കശ്മീര് വിഷയത്തില് പാകിസ്താന് നിര്ണ്ണായക തീരുമാനമെടുക്കേണ്ട സമയം അതിക്രമിച്ചിരിക്കുകയാണെന്നും ഇമ്രാന് ഖാന് പറഞ്ഞു. ഇന്ത്യയുമായി സംഭാഷണം ആരംഭിക്കാന് പാകിസ്താന് ശ്രമിച്ചിട്ടുണ്ടെങ്കിലും എന്നാല് ഇന്ത്യയില് നിന്നും പിന്തുണ ലഭിച്ചില്ലെന്നും ഇമ്രാന് കൂട്ടിച്ചേര്ത്തു. 'ഞങ്ങള് എല്ലാവരുമായും സൗഹൃദത്തിലാകാന് ആഗ്രഹിച്ചു...ഞാന് അധികാരത്തില് വന്നപ്പോള് ഇന്ത്യയുമായുള്ള സംഭാഷണത്തിനായി ഞാന് ധാരാളം കാര്യങ്ങള് ചെയ്തു. പക്ഷേ എല്ലായ്പ്പോഴും ചില പ്രശ്നങ്ങള് നിലനിന്നിരുന്നു ഇമ്രാന് ഖാന് പറഞ്ഞു.
ഇന്ത്യയിലെ തെരഞ്ഞെടുപ്പ് അവസാനിക്കുന്നതിനായി തന്റെ സര്ക്കാര് കാത്തിരുന്നെന്നും പുതിയ സര്ക്കാരുമായി ചര്ച്ചകള് ആരംഭിക്കാമെന്നായിരുന്നു പദ്ധതിയെന്നും അദ്ദേഹം പറഞ്ഞു. എന്നാല് പുതിയ സര്ക്കാര് അധികാരത്തിലെത്തിയതോടെ ജമ്മു കശ്മീരിന്റെ പദവി ഇന്ത്യ മാറ്റിയെന്നും പാക് പ്രധാനമന്ത്രി കൂട്ടിച്ചേര്ത്തു. ആഗസ്റ്റ് അഞ്ചിന് അവര് കശ്മീര് പിടിച്ചടക്കി, അത് ഇപ്പോള് ഹിന്ദുസ്ഥാന്റെ ഭാഗമാണെന്ന് തീരുമാനിച്ചു. യു.എന് പ്രമേയങ്ങളും സ്വന്തം ഭരണഘടനയും സുപ്രീംകോടതി തീരുമാനങ്ങളും അവര് ലംഘിച്ചുഇമ്രാന് ഖാന് പറഞ്ഞു.
https://www.facebook.com/Malayalivartha
