ഈജിപ്തിലെ സിനായ് മേഖലയില്‍ തീവ്രവാദികള്‍ നടത്തിയ റോക്കറ്റ് ആക്രമണങ്ങളിലും കാര്‍ ബോംബ് സ്‌ഫോടനങ്ങളിലുമായി 26 പേര്‍ കൊല്ലപ്പെട്ടു. വടക്കന്‍ സിനായ് പ്രദേശത്തെ പോലീസ് ഹെഡ്ക്വാര്‍ട്ടേഴ്‌സിന് നേരെയാണ് തീവ്രവാദികള്‍ ആക്രമണം സംഘടിപ്പിച്ചത്. ആക്രമണത്തില്‍ 36ഓളം പേര്‍ക്ക് പരിക്കേറ്റിട്ടുണ്ട്. പ്രദേശത്ത് ഉണ്ടായിരുന്ന സൈനികരും സിവിലിയന്‍സുമാണ് ഭീകരാക്രമണത്തിന് ഇരയായവരില്‍ കൂടുതലും. 
അക്രമണത്തിന്റെ ഉത്തരവാദിത്വം ഇസിസിന്റെ ഈജിപ്ഷ്യന്‍ പതിപ്പായ അന്‍സാര്‍ ബൈത്ത് അല്‍ മഖ്ദിസ് ഏറ്റെടുത്തിട്ടുണ്ട്. ഗാസ മുമ്പിനോട് ചേര്‍ന്ന റഫ അതിര്‍ത്തിയോട് ചേര്‍ന്നാണ് സിനായ് മേഖല നിലനില്‍ക്കുന്നത്. മൂന്നോളം മിസൈലുകളാണ് തീവ്രവാദികള്‍ തൊടുത്ത് വിട്ടത്. നേരത്തെ 2011ലെ വിപ്ലവത്തെ തുടര്‍ന്ന് ഈജ്പ്ഷ്യന്‍ ഏകാധിപതി ഹുസ്‌നി മുബാറക്ക് അധികാര ഭ്രഷ്ടനായതിന് ശേഷം നിരവധി ഭീകരാക്രമണങ്ങളാണ് സിനായ് മേഖലയെ ലക്ഷ്യമാക്കി തീവ്രവാദികള്‍ നടത്തിക്കൊണ്ടിരുന്നത്.
നേരത്തെ 2014 ഒക്ടോബറില്‍ സിനായില്‍ നടന്ന കാര്‍ ബോംബ് സ്‌ഫോടനത്തില്‍ 31 സൈനികര്‍ കൊല്ലപ്പെട്ടിരുന്നു. ഇതിന് ശേഷം പ്രഖ്യാപിച്ചിരുന്ന കര്‍ഫ്യൂ തുടരുന്നതിനിടയിലാണ് വീണ്ടും ആക്രമണം ഉണ്ടായിരിക്കുന്നത്. ഈജ്പ്തില്‍ മുര്‍സി ഭരണകൂടം താഴെ ഇറങ്ങിയതിന് ശേഷം സൈനിക കേന്ദ്രങ്ങളെ ലക്ഷ്യമാക്കി നടന്ന ഭീകരാക്രമണങ്ങളിലായി 500ലധികം പട്ടാളക്കാരാണ് കൊല്ലപ്പെട്ടിരുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha