ഐസിസ് ഭീകരുടെ ആക്രമണങ്ങള്‍ ഈജിപതിലേക്കും വ്യാപിപ്പിക്കുന്നു. ഇസ്ലാമിക് സ്‌റ്റേറ്റ്(ഐസിസ്) ഭീകരര്‍ വ്യാഴാഴ്ച നടത്തിയ വെടിവയ്പിലും കാര്‍ബോംബ് സ്‌ഫോടനത്തിലും 27 സൈനികര്‍ ആടക്കം 30 പേര്‍ കൊല്ലപ്പട്ടതായി റിപ്പോര്‍ട്ട്. കൊല്ലപ്പെട്ടവരില്‍ ഒരു കുട്ടിയും ആറു മാസം മാത്രം പ്രായമായ കുഞ്ഞും ഉള്‍പ്പെടുന്നു. സിനായ് ഉപദ്വീപിന്റെ വടക്കന്‍ മേഖലയിലാണ് ആക്രമണങ്ങള്‍ നടന്നത്. ആക്രമണത്തിന്റെ ഉത്തരവാദിത്തം ഐസിസിന്റെ ഈജിപറ്റ് വിഭാഗമായ അന്‍സര്‍ ബെയത് അല്‍ മഖ്ദിസ് ഏറ്റെടുത്തു.
ആക്രമണങ്ങളുടെ പശ്ചാത്തലത്തില്‍ ഈജിപ്ത് പ്രസിഡന്റ് അബ്‌ദേല്‍ ഫത്താ ഇല്‍ സിസി എത്യോപ്യാ സന്ദര്‍ശനം റദ്ദാക്കിയിട്ടുണ്ട്.
വടക്കന്‍ സീനായി പ്രവിശ്യാ തലസ്ഥാനമായ അല്‍ആരിഷിലെ സുരക്ഷാ ഡയറക്ടറേറ്റിലും സമീപത്തുള്ള ആര്‍മി ആസ്ഥാനത്തും നിരവധി സുരക്ഷാ ചെക്‌പോസ്റ്റുകളിലും ഒരു ഹോട്ടലിലുമാണ് ആക്രമണങ്ങള്‍ നടന്നത്. അല്‍ആരിഷിലെ സുരക്ഷാ ഡയറക്ടറേറ്റ് ലക്ഷ്യം വച്ചായിരുന്നു ആക്രമണം. കാര്‍ ബോംബ് സ്‌ഫോടനം നടത്തിയ ഭീകരര്‍ തുടര്‍ന്ന് മൂന്ന് തവണ മിസൈല്‍ ഷെല്ലാക്രമണവും നടത്തി. ഇക്കഴിഞ്ഞ ഒക്‌ടോബറില്‍ സീനായ് പ്രവിശ്യയില്‍ നടന്ന ആക്രമണത്തില്‍ 33 സൈനികര്‍ കൊല്ലപ്പെട്ടിരുന്നു. മുഹമ്മദ് മുര്‍സി സ്ഥാനഭ്രഷ്ടനായ ശേഷം സീനായ് മേഖലയില്‍ സൈനികര്‍ക്കെതിരെ ആക്രമണങ്ങള്‍ വര്‍ധിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha