ഐസിസ് ഭീകരവാദികളുടെ ക്രൂരതകള്‍ കൂടുതല്‍ വെളിവാക്കുന്ന പുതിയ ഫോട്ടോകളും വീഡിയോയും അവര്‍ പുറത്തു വിട്ടു. സിറിയയിലെ റാഖാ പട്ടണത്തില്‍ വച്ച് എടുത്തതായി പറയപ്പെടുന്ന ചിത്രങ്ങളില്‍, കണ്ണുകള്‍ മൂടി കെട്ടിയ നിലയില്‍ അമ്പതുകാരനായ ഒരാളെ ഒരു ബഹുനില കെട്ടിടത്തിനു മുകളില്‍ ഒരു പ്ലാസ്റ്റിക് കസേരയിലിരുത്തിയിരിക്കുന്നതാണ് ആദ്യ ചിത്രം.

പരിഭ്രാന്തനായി കാണപ്പെട്ട അയാളുടെ അരികില്‍ പരിഹാസച്ചിരിയുമായി നില്‍ക്കുന്ന ഭീകരവാദി കെട്ടിടത്തിനു താഴെ അയാളെ നോക്കി നില്‍ക്കുന്ന ആളുകളുടെ ചിത്രമെടുക്കുന്നതായി കാണാം. കസേരയിലിരിക്കുന്ന ആളുടെ കുറ്റകൃത്യം അയാളെ വായിച്ചു കേള്‍പ്പിക്കുന്നുണ്ട്.

അയാള്‍ സ്വവര്‍ഗ്ഗാനുരാഗി ആയതിനാല്‍ പട്ടണത്തിലെ ഏറ്റവും ഉയര്‍ന്ന സ്ഥാനത്തു നിന്ന് അയാളെ തള്ളിയിട്ടു കൊല്ലുകയാണ് എന്ന് വായിച്ചു കേള്‍പ്പിച്ചയുടനെ അയാളെ ആ ബഹുനില കെട്ടിടത്തിനു മുകളില്‍ നിന്ന് താഴേക്കു തള്ളിയിടുകയും ചെയ്തു. നിലത്തു വീണ് ഒടിഞ്ഞു ചതഞ്ഞ അയാളുടെ ജഡത്തെ കല്ലെറിയാന്‍ നേരത്തെ അവര്‍ ചുമതലപ്പെടുത്തിയവര്‍ വന്ന് കല്ലെറിയുന്നതും കാണാമായിരുന്നു.

ഏതാനും ആഴ്ചകള്‍ക്കിടെ ഇപ്രകാരം ഇസ്ലാമിക നിയമങ്ങള്‍ ലംഘിച്ചു എന്ന കുറ്റമോരോപിച്ച് ഐസിസ് ഭീകരര്‍ നടത്തുന്ന നാലാമത്തെ കൊലപാതകമാണിത്. ഇയാളുടെ മൊബൈല്‍ ഫോണില്‍ നിന്നും ഇയാള്‍ ഇത്തരം പ്രവൃത്തിയിലേര്‍പ്പെടുന്നതിന്റെ ദൃശ്യങ്ങള്‍ കണ്ടതിനാലാണ് ഇയാളെ ശിക്ഷിച്ചതെന്നാണ് അവരുടെ വാദം.

മൊബൈല്‍ ഫോണിലെ ദൃശ്യം ഇവര്‍ കണ്ടുപിടിക്കുന്നതുവരെ ലോകനിയന്താതാവ് ഇയാളുടെ ജീവനെടുക്കാതിരുന്നത്, എല്ലാമറിയുന്നവന്‍ ഇത് അറിയാതിരുന്നതു കൊണ്ടാണെന്ന് ഐസിസ് ഭീകരര്‍ കരുതുന്നുണ്ടോ ആവോ?

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക