പ്രകൃതിവിരുദ്ധ ലൈംഗിക ബന്ധം: അന്വര് ഇബ്രാഹിമിന്റെ ശിക്ഷ ശരിവച്ചു
പ്രകൃതിവിരുദ്ധ ലൈംഗിക ബന്ധം നടത്തിയെന്ന കേസില് മലേഷ്യന് പ്രതിപക്ഷ നേതാവ് അന്വര് ഇബ്രാഹിമിന്റെ ശിക്ഷ രാജ്യത്തെ പരമോന്നത നീതിപീഠം ശരിവച്ചു. 2008ലാണ് കേസിനാസ്പദമായ സംഭവം. മലേഷ്യയില് പ്രകൃതിവിരുദ്ധ ലൈംഗിക ബന്ധം നിയമവിരുദ്ധമാണ്. കഴിഞ്ഞ മാര്ച്ചില് അന്വര് ഇബ്രാഹിമിന് അഞ്ച് വര്ഷത്തെ തടവുശിക്ഷ വിധിച്ചിരുന്നു.
തന്നെ രാഷ്ട്രീയത്തില് നിന്നു മാറ്റാന് ഭരണകക്ഷി നടത്തുന്ന ശ്രമങ്ങളുടെ ഭാഗമായാണ് ഈ കേസെന്ന് അന്വര് ഇബ്രാഹിം ആരോപിക്കുന്നു. നിലവിലെ ഭരണകൂടത്തെ തകര്ത്ത് അധികാരത്തില് കയറാന് അന്വര് ഇബ്രാഹിമിന്റെ നേതൃത്വത്തിനാകുമെന്നായിരുന്നു വിലയിരുത്തപ്പെടുന്നത്. എന്നാല് ശിക്ഷിക്കപ്പെട്ടാല് ശിക്ഷ കഴിഞ്ഞ് പുറത്തിറങ്ങുന്ന ദിവസം മുതല് അഞ്ച് വര്ഷത്തേക്ക് അന്വറിന് മത്സരിക്കാനാകില്ല. അന്വര് പ്രകൃതിവിരുദ്ധ ലൈംഗിക ബന്ധത്തിലേര്പ്പെട്ടെന്നു കണ്ടെത്തിയ ആള്ക്കെതിരെ തെളിവുകള് ഇല്ലെന്നു കണ്ടെത്തി ഹൈക്കോടതി 2012ല് കുറ്റവിമുക്തനാക്കിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
