അഭയാര്ഥി ബോട്ടുകള് മെഡിറ്ററേനിയന് സമുദ്രത്തില് മുങ്ങി 300 പേര് മരിച്ചതായി റിപ്പോര്ട്ട്
അഭയാര്ഥികളുടെ ബോട്ടുകള് മെഡിറ്ററേനിയന് സമുദ്രത്തില് മുങ്ങി 300 പേര് മരിച്ചതായി യുഎന് അഭയാര്ഥി ഏജന്സി റിപ്പോര്ട്ടു ചെയ്തു. ലിബിയയില്നിന്നു നാലു ചെറുബോട്ടുകളിലായി ശനിയാഴ്ച യൂറോപ്പിലേക്കു പുറപ്പെട്ട അഭയാര്ഥികളാണ് ദുരന്തത്തിനിരയായത്. ഇറ്റാലിയന് തീര രക്ഷാസേന ഏതാനും പേരെ രക്ഷപ്പെടുത്തി ലാമ്പെഡൂസ ദ്വീപില് എത്തി ച്ചു. ആഫ്രിക്കന് മേഖലയില് നിന്നു യൂറോപ്പിലേക്കുള്ള അനധികൃത കുടിയേറ്റക്കാര് ഉള്പ്പെടുന്ന ഏറ്റവും ഒടുവിലത്തെ ദുരന്തമാണിത്.
മോശമായ ബോട്ടുകളില് ആളുകളെ തിക്കിനിറച്ചു കൊണ്ടുവരുന്നതാണ് പലപ്പോഴും അപകടത്തിനിടയാക്കുന്നത്.ഡിസംബറില് ഒരു ചരക്കുകപ്പലിലെ 900 സിറിയന് അഭയാര്ഥികളെ ഉപേക്ഷിച്ച് കപ്പല്ജീവനക്കാര് കടന്നുകളഞ്ഞു. കടലില് ഒഴുകി നടന്ന കപ്പലില്നിന്ന് ഇവരെ ഇറ്റാലിയന് തീരരക്ഷാ സൈനികര് രക്ഷപ്പെടുത്തിയതിനാല് വന്ദുരന്തം ഒഴിവായി.
https://www.facebook.com/Malayalivartha
