അഫ്ഗാനിസ്ഥാനില്‍ പൊലീസ് ആസ്ഥാനത്തേക്ക് താലിബാന്‍ ചാവേറുകള്‍ നടത്തിയ ആക്രമണത്തില്‍ 22 പൊലീസുകാര്‍ കൊല്ലപ്പെട്ടു. ഗേറ്റിന് സമീപമെത്തിയ നാല് ഭീകരരില്‍ ഒരാള്‍ സ്വയം പൊട്ടിത്തെറിക്കുകയായിരുന്നു അദ്ദേഹം. സ്‌ഫോടനത്തില്‍ ഒരു പൊലീസുകാരന്‍ കൊല്ലപ്പെട്ടു. തുടര്‍ന്ന് അര മണിക്കൂറോളം ഭീകരരും പൊലീസും തമ്മില്‍ രൂക്ഷമായ ഏറ്റുമുട്ടലുണ്ടായി. ഇതിനിടെ മറ്റൊരു ഒരു ചാവേര്‍ ഭക്ഷണ ശാലയിലേക്ക് കടന്നുകയറി സ്‌ഫോടനം നടത്തുകയായിരുന്നു. 21 പൊലീസുകാരാണ് ഇവിടെ കൊല്ലപ്പെട്ടത്. സംഭവത്തിനു തൊട്ടുപിന്നാലെ ആക്രമണത്തിന്രെ ഉത്തരവാദിത്തം താലിബാന്‍ ഏറ്റെടുത്തു.
രാവിലെ തലസ്ഥാനമായ കാബൂളില്‍ നടന്ന സ്‌ഫോടനത്തില്‍ ഒരാള്‍ക്ക് പരിക്കേറ്റിരുന്നു. സ്വകാര്യ വാഹനത്തില്‍ വച്ചിരുന്ന ബോംബാണ് പൊട്ടിത്തെറിച്ചത്. അഫ്ഗാന്റെ തലസ്ഥാനത്തിന് കിഴക്ക് മാറി അഷഫതാഹ് ഹൈ സ്‌കൂളിന് സമീപത്ത് നിര്‍ത്തിയിട്ടിരുന്ന കാറാണ് പൊട്ടിത്തെറിച്ചതെന്ന് കാബൂള്‍ പൊലീസ് അധികൃതര്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha