അമേരിക്കന്‍ സംസ്ഥാനമായ ഫ്‌ളോറിഡയിലെ ജാക്‌സണ്‍ വില്ലയിലുള്ള ഡയേന തോംപ്‌സണ് പ്രതികാരം വീട്ടിയതിന്റെ സന്തോഷത്തോടെ കിടന്നുറങ്ങാനായത് ഇന്നലെയാണ്. അഞ്ചു വര്‍ഷത്തിനു മുമ്പ് ആ അമ്മ മനസ്സില്‍ കയറികൂടിയതാണ്, തന്റെ ഓമന മകളെ പീഡിപ്പിച്ചു കൊന്നവനെതിരെ എന്തെങ്കിലും ചെയ്യണമെന്നുള്ള ചിന്ത. പ്രതി നിയമത്തിന്റെ പിടിയിലായെങ്കിലും അവരുടെ ഉള്ള് തണുത്തില്ല.

അഞ്ചു വര്‍ഷത്തിനു മുമ്പുള്ള ഒരു വൈകുന്നേരത്ത് കൂട്ടുകാരോടും തന്റെ സഹോദരങ്ങളോടുമൊപ്പം സ്‌കൂള്‍ വിട്ട് വീട്ടിലേയ്ക്കു വരുകയായിരുന്നു 7 വയസ്സുകാരിയായ സോമര്‍. വീടിനടുത്തെത്താറായപ്പോള്‍ അവിടെയുള്ള ഒരു വീടിനു പുറത്തു നില്‍ക്കുന്ന വളര്‍ത്തു പട്ടിയെ ഓമനിക്കാനായി കൂട്ടുകാര്‍ക്കു മുമ്പേ എത്താനായി ഓടിയതാണ് സോമര്‍.

ജാറെഡ് ഹാരെല്‍ എന്നയാളും അയാളുടെ അമ്മയുമാണ് അവിടെ കഴിഞ്ഞിരുന്നത്. ജാറെഡ്, ആ ഏഴുവയസ്സുകാരിയെ അനുനയിപ്പിച്ചു കൂട്ടികൊണ്ടുപോയി. അവിടെ വച്ച് സോമറിനെ പീഡിപ്പിച്ചു കൊലപ്പെടുത്തുകയായിരുന്നു. കുഴികള്‍ നികത്തുന്നതിനായി ചപ്പുചവറുകള്‍ കൂട്ടിയിടുന്നതിനിടയില്‍ നിന്നും പിന്നീട് പോലീസാണ് സോമറിന്റെ ജഡം കണ്ടെത്തിയത്. ഇപ്പോള്‍ 29-കാരനായ ജാറെഡ് ആ കുറ്റത്തിന് പിടിയിലാവുകയും 6- ജീവപര്യന്തശിക്ഷ അനുഭവിച്ചു കൊണ്ടിരിക്കുകയുമാണ്.

ജെറാഡിന്റെ വീട് ജപ്തി ചെയ്‌തെടുക്കാന്‍ ബാങ്കിനോട് ഉത്തരവിട്ടു.. സോമറിന്റെ പേരില്‍ ഫണ്ടുണ്ടാക്കേണ്ടതിനായി ബാങ്ക് ആ വീട് ഡയേന തോംപ്‌സണു കൈമാറി. ഓറഞ്ച് പാര്‍ക്ക് ഫയര്‍ ഡിപ്പാര്‍ട്ടുമെന്റിന്റെ പരിശീലന പ്രവര്‍ത്തനങ്ങള്‍ക്കായി ആ വീട് ഉപയോഗിയ്ക്കുവാന്‍ ഡയേന അവര്‍ക്ക് അനുമതി നല്‍കി.

ഇക്കഴിഞ്ഞ രണ്ടു ദിവസമായി ആ വീട്ടില്‍ വച്ച് അഗ്നിശമനസേനാംഗങ്ങളുടെ സേര്‍ച്ച് ആന്റ് റെസ്‌ക്യൂ പരിശീലന പരിപാടി നടക്കുകയായിരുന്നു. അതിനൊടുവില്‍ കെട്ടിടങ്ങള്‍ക്കു തീപിടിച്ചാല്‍ അത് കെടുത്തുന്നതെങ്ങനെയെന്നുള്ളത് പരിശീലിപ്പിക്കുന്നതിനായി ഈ കെട്ടിടത്തിന് തീയിടണമായിരുന്നു. അഗ്നിശമന സേനാംഗങ്ങള്‍ ആ ദൗത്യം എല്‍പ്പിച്ചത് ഡയേനയെയായിരുന്നു. തന്റെ മകള്‍ ക്രൂരമായി പീഡിക്കപ്പെട്ടു മരണപ്പെട്ട ആ വീടിനു തീകൊളുത്തിയത് ഡയേനയായിരുന്നു. പരിശീലനത്തിന്റെ ഭാഗമായുള്ള തീ കെടുത്തലിനൊന്നും വളരെ ഗൗരവമുണ്ടായില്ല. ആ വീട് പൂര്‍ണ്ണമായും കത്തി നശിക്കുന്നത് ചാരിതാര്‍ത്ഥ്യത്തോടെ ഡയേന നോക്കിനിന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha