മത വിശ്വാസങ്ങളെ ചൂഷണം ചെയ്യുന്നവര്‍ക്കെതിരെ എപ്പോഴും കോടതി ശിക്ഷ നടപ്പിലാക്കുന്നത് സ്വഭാവികമാണ്. മതത്തെ അധിക്ഷേപിച്ചതിതെ തുടര്‍ന്ന് യുവാവിന് കോടതി വധശിക്ഷയ്ക്ക് ഉത്തരവിട്ടു. വിശുദ്ധ ഗ്രന്ഥമായ ഖുര്‍ആനെ ഷൂ കൊണ്ട് അടിക്കുകയും പിച്ചിച്ചീന്തുകയുമാണ് യുവാവ് ചെയ്തിരിക്കുന്നത്. ഖുര്‍ആനെ പിച്ചിച്ചീന്തുക മാത്രമല്ല, ഖുര്‍ആനെ നിന്ദിക്കുന്ന രംഗം വീഡിയോയില്‍ പകര്‍ത്തി സോഷ്യല്‍ മീഡിയ വഴി പ്രചരിപ്പിക്കുകയും ചെയ്തു. ഇതിനെ തുടര്‍ന്നാണ് സൗദി അറേബ്യയില്‍ ഇസ്ലാമിക് കോടതി യുവാവിനെ വധശിക്ഷയ്ക്കു വിധിച്ചത്. ഹഫ്ര്‍ അല്‍ബത്തിന്‍ സ്വദേശിയായ 30 വയസ്സിനു താഴെ മാത്രം പ്രായമുള്ള യുവാവിനാണ് വധശിക്ഷയ്ക്ക് വിധിച്ചിരിക്കുന്നത്. എന്നാല്‍ അയളുടെ പേരും മറ്റ് വിവരങ്ങളും ഇതുവരെയും പുറത്ത് വിട്ടിട്ടില്ല.
മതനിന്ദ കുറ്റം ചുമത്തിയാണ് ഇയാളെ ശിക്ഷിച്ചിരിക്കുന്നത്. വീഡിയോയില്‍ ദൈവത്തേയും പ്രവാചകനെയും പ്രവാചകന്റെ മകള്‍ ഫാത്തിമയേയും ശപിക്കുന്ന രംഗങ്ങളുമുണ്ടെന്ന് കോടതിയില്‍ വാദം കേള്‍ക്കലിന് ഹാജരായ ഒരാള്‍ പറഞ്ഞു. മത പരിത്യാഗം തെളിയിക്കപ്പെട്ടതിനെ തുടര്‍ന്നാണ് കോടതി ഇയാളെ ശിക്ഷിച്ചതെന്ന് സൗദി ഗസറ്റ് റിപ്പോര്‍ട്ട് ചെയ്യുന്നു. മതത്തെ അധിക്ഷേപിച്ചതിനെ തുടര്‍ന്ന്് കഴിഞ്ഞ വര്‍ഷമാണ് ഇയാളെ പൊലീസ് അറസ്റ്റ് ചെയ്തത്. പിന്നീട് കേസ് ബ്യൂറോ ഓഫ് ഇന്‍വസ്റ്റിഗേഷന്‍ ആന്‍ഡ് പബ്ലിക് പ്രോസിക്യൂഷന് കൈമാറി. സൗദി അറേബ്യയിലെ നീതിന്യായ സംവിധാനം യാഥാസ്ഥിതിക ഇസ്ലാമിക പുരോഹിതന്മാരുടെ നിയന്ത്രണത്തിലാണ്. ശരീഅ നിയമത്തെ പലതരത്തില്‍ വ്യാഖ്യാനിച്ചാണ് ഇവര്‍ ശിക്ഷ വിധിക്കുന്നത്. പരസ്യമായി തലവെട്ടിയാണ് സൗദിയില്‍ വധ ശിക്ഷ നടപ്പാക്കുന്നത്. യുവാവ് ചെയ്തതു ക്രൂരകുറ്റം തന്നെയാണെന്നും കോടതി ചൂണ്ടിക്കാട്ടി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha