ക്രിസ് ഹാരീസിന് കളി കാണാന് നേരമില്ല തിരക്കിലാണ്
ജീവിതം ചിലപ്പോള് അങ്ങനെ ഒക്കെയാണ്. ക്രിക്കറ്റു താരങ്ങള് പണത്തിലും സുഖത്തിലും മതിമറന്ന് ജീവിക്കുന്നവരാണെന്ന ധാരണ പൊതുവില് എല്ലാവരും വച്ചു പുലര്ത്താറുണ്ട്. എന്നാല് എല്ലായ്പ്പോഴും അങ്ങനെ അല്ല കാര്യങ്ങള്.
സ്വന്തം നാട്ടില് ലോകകപ്പ് തകര്ത്തടിച്ചു നടക്കുമ്പോള് ആതിഥേയരായ ന്യുസിലന്റില് കളികാണാന് തീരെ സമയമമില്ലാത്ത ഒരു മുന് ഓള് റൗണ്ടറുണ്ട്. സാക്ഷാല് ക്രിസ് ഹാരീസ്. ന്യൂസിലന്റിലും ഓസ്ട്രേലിയയിലുമായി ലോകകപ്പ് തിമിര്ത്താടുമ്പോള് ജീവിക്കാന് വേണ്ടി മെഡിക്കല് റെപ്പായി ഓടി നടക്കുകയാണ് ക്രിസ്ഹാരീസ്. 250 ഏകദിനങ്ങള് കളിച്ച ഈ മുന് ന്യൂസീലന്ഡ് താരവും ലോകം കണ്ട മികച്ച ക്രിക്കറ്റ് താരങ്ങളില് ഒരാളായ ക്രിസ് ഹാരീസ് ഇപ്പോള് മെഡിക്കല് റിപ്രസെന്റേറ്റീവ് ആണ്.
വെറുതെ സമയം കൊല്ലാനുള്ള ഒരു ജോലിയല്ല ക്രിസിന് ഇത്. ശരിക്കും ജീവിക്കാനായി ചെയ്യുന്ന ജോലിയാണ്. കളിയില് ഓള് റൗണ്ട് മികവ് കാഴ്ചവെച്ച് കാണികളെ അദ്ഭുതപ്പെടുത്തിയ താരത്തിന്റെ ജീവിതത്തില് വിധി നടത്തിയതും ദുരന്തങ്ങളുടെ ഓള്റൗണ്ട് പ്രകടനമായിരുന്നു.
ഹാരീസിനും ഭാര്യ ലിണ്ടയ്ക്കും മൂന്ന് മക്കളാണുള്ളത്. മുന്നാമത്തെ കുട്ടിയായ ഫൊബിയ്ക്ക് ജന്മം നല്കിയതിനു ശേഷം ഉണ്ടായ രോഗത്തിന് ലിണ്ട ഏഴ് ആഴ്ച ആശുപത്രിയില് കഴിയേണ്ടി വന്നു. ലിണ്ടയുടെ ചികിത്സയ്ക്ക് ഹാരീസ് ചെലവാക്കിയ രൂപയ്ക്ക് കണ്ക്കുകളില്ല. ലിണ്ടയ്ക്ക് അസുഖം ഭേദമായപ്പോള് ഫോബിയുടെ രോഗവുമായി വിധി വീണ്ടും ഹാരിസിനെ വേട്ടയാടി. കൊട്ടുവാതം രോഗവുമായാണ് ഫെബി ജനിച്ചത്. ഫെബിയുടെ ശരീരത്തിന്റെ വലതുവശം ചലിക്കുകയും എന്നാല് ഇടതുവശത്തിനു ചലന ശേഷി ഉണ്ടായിരുന്നില്ല. ഇതിനു പുറമെ രണ്ടാം ജന്മ ദിനത്തില് വീഴ്ചയ്ക്കിടെ മേശയില് തല ഇടിച്ചതു കുട്ടിയുടെ അവസ്ഥ മോശമാക്കി.
ഭാര്യയെയും മൂന്ന് കുട്ടികളെയും സംരക്ഷിക്കുവാന് ഗ്രൗണ്ട് വിട്ട ഹാരീസിന് ജോലി അനിവാര്യമായ ഒന്നായി. തുടര്ന്ന് സ്വന്തം വീട്ടില് കെട്ടിട നിര്മാണത്തിനുള്ള സാധനങ്ങളുടെ വ്യാപാരം ആരംഭിച്ച ഹാരീസിന് കുറച്ചുകൂടി മികവുള്ള ജോലിയുമായി ന്യൂസിലന്ഡ് ക്രിക്കറ്റ് ബോര്ഡ് എത്തി. ഓസ്ട്രേലിയന് കമ്പനിയായ ഓറത്തോടെക്കിലെ മെഡിക്കല് റിപ്രസെന്റേറ്റീവ് എന്ന ജോലിയാണ് ന്യൂസിലാണ്ട് ക്രിക്കറ്റ് ബോര്ഡ് ഹാരിസിന് വെച്ചു നീട്ടിയത്. തുടര്ന്ന് ഹാരീസ് മെഡിക്കല് റിപ്രസെന്റേറ്റീവ് ജോലി ചെയ്തു തുടങ്ങി. ഗ്രൗണ്ടുകളില് നിറഞ്ഞു നിന്ന താരം പിന്നീട് ഓപ്പറേഷന് തിയേറ്ററുകളില് സഹായിയായും, മരുന്ന് വിതരണക്കാരനായും ജീവിക്കേണ്ടി വന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
