ഈജിപ്തില്‍ വിദേശ ടൂറിസ്റ്റുകള്‍ സഞ്ചരിച്ച ബസുകള്‍ ട്രക്കിലേക്ക് ഇടിച്ചുകയറിയുണ്ടായ അപകടത്തില്‍ ഇന്ത്യക്കാരനടക്കം ആറു പേര്‍ മരിച്ചു. ഇരുപതിലധികം പേര്‍ക്ക് പരിക്കേറ്റു. ഇന്നലെ എയ്ന്‍ സോഖ്‌ന- സഫ്രാന റോഡിലാണ് സംഭവം. 16 ഇന്ത്യക്കാര്‍ അടക്കമുള്ള ടൂറിസ്റ്റുകളുമായി പോയ രണ്ടു ബസുകളാണ് അപകടത്തില്‍പ്പെട്ടത്.
രണ്ടു മലേഷ്യക്കാരും മൂന്നു ഈജിപ്തുകാരും മരിച്ചവരില്‍ ഉള്‍പ്പെടുന്നു. പരിക്കേറ്റവരെ സുയസ് സിറ്റിയിലെയും കെയ്‌റോയിലേയും ആശുപത്രികളില്‍ പ്രവേശിപ്പിച്ചതായി ഇന്ത്യന്‍ എംബസി അറിയിച്ചു.