മകളുടെ കാമുകനെ ഇഷ്ടമില്ലാത്തതിനാല്‍ മകളെ പുറംലോകം കാണിക്കാതെ ചവറുകള്‍ക്കൊപ്പം ആറു വര്‍ഷം അടച്ചു പൂട്ടിയിട്ടു. ചൈനയിലെ ഹുബി പ്രവിശ്യയിലെ ജിംഗ് ഗാംഗ് ഗ്രാമത്തിലാണ് സംഭവം. ഷാംഗ് ക്വി എന്ന 24 കാരിയെയാണ് സ്വന്തം മാതാപിതാക്കള്‍ ഇടിഞ്ഞു പൊളിഞ്ഞ തങ്ങളുടെ പഴയ കെട്ടിടത്തില്‍ ആറു വര്‍ഷം അടച്ചു പൂട്ടിയിട്ടത്. ക്വി യുടെ കാമുകനെ അംഗീകരിക്കാനാവാത്തതിനെ തുടര്‍ന്നായിരുന്നു മാതാപിതാക്കളുടെ ഈ ക്രൂരത. സംഭവത്തെക്കുറിച്ച് പോലീസ് അന്വേഷിക്കുന്നു.

മകള്‍ക്ക് മാനസീകരോഗമാണെന്ന് പ്രചരിപ്പിച്ചിട്ടായിരുന്നു, പ്രണയ കാലത്ത് കാമുകനൊപ്പം പോകാന്‍ പല തവണ ശ്രമിച്ച ക്വി-യെ മാതാപിതാക്കള്‍ പൂട്ടിയിട്ട് പീഡിപ്പിച്ചത്.

ഇപ്രകാരം ഒരു പെണ്‍കുട്ടി ഈ വീട്ടിലുണ്ടെന്ന് നാട്ടുകാര്‍ക്ക് അറിയാമായിരുന്നെങ്കിലും ഉന്നതങ്ങളില്‍ വളരെ സ്വാധീനം ഉള്ള മാതാപിതാക്കളെ ഭയന്ന് ആരും പ്രശ്‌നത്തില്‍ ഇടപെട്ടിരുന്നില്ല. തങ്ങളുടെ കാര്യത്തില്‍ ഇടപെടരുതെന്നുള്ള മാതാപിതാക്കളുടെ ഭീഷണി വകവയ്ക്കാതെ അവിടെ ചെല്ലുമായിരുന്ന ചോ ജെന്‍ എന്ന ഗ്രാമീണന്റെ ഇടപെടല്‍ മൂലമാണ് വിവരം സമൂഹത്തിന്റെ ശ്രദ്ധയില്‍പ്പെടാനിടയായത്.

വൈക്കോല്‍ കൂനയില്‍ രണ്ടു ബ്‌ളാങ്കറ്റ് പുതച്ച നിലയിലാണ് ജെന്‍, ക്വിയെ ഒടുവില്‍ പുതുവല്‍സരദിനത്തില്‍ കണ്ടത്. സമീപത്ത് അല്‍പ്പം ആഹാരവും കൊണ്ടു വെച്ചിരുന്നു. അവളുടെ പടമെടുത്ത് ജെന്‍ ഓണ്‍ലൈനില്‍ പോസ്റ്റ് ചെയ്തു. ആ ചിത്രം ആരുടേയും മനസ്സാക്ഷിയെ ഞെട്ടിക്കുന്നതായിരുന്നു. താന്‍ പല തവണ വിഷയം ശ്രദ്ധയില്‍ പെടുത്തിയിട്ടും പ്രാദേശിക ഭരണകൂടം നടപടി എടുക്കാന്‍ തയ്യാറായില്ലെന്ന് ജെന്‍ പറഞ്ഞു.

ക്വിയ്ക്ക് മാനസീക രോഗം ഉണ്ടെന്ന് മാതാപിതാക്കള്‍ പറയുന്നത് സത്യമാണോ കള്ളമാണോ എന്ന് തനിക്കറിയില്ലെന്നും എന്നാല്‍ ഒരാളെ മൃഗത്തെപ്പോലെ പരിഗണിക്കുന്നത് കണ്ടതിനാലാണ് പോലീസിനെ അറിയിക്കാന്‍ തീരുമാനിച്ചതെന്നും ജെന്‍പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha