അവിഹിതബന്ധം കുറ്റകരമായ നടപടിയല്ലെന്ന് ദക്ഷിണ കൊറിയന്‍ സുപ്രീംകോടതി വിധിച്ചു. അവിഹിതബന്ധം സദാചാരലംഘനമാണെങ്കിലും സര്‍ക്കാര്‍ വ്യക്തികളുടെ ലൈംഗിക സ്വാതന്ത്ര്യത്തില്‍ ഇടപെടേണ്ടതില്ലെന്നാണ് കോടതി വിലയിരുത്തിയത്. വ്യക്തികള്‍ക്ക് തങ്ങളുടെ പങ്കാളികളല്ലാത്തവരുമായി ലൈംഗിക ബന്ധത്തിലേര്‍പ്പെടാമെന്നാണ് സുപ്രീം കോടതി പറഞ്ഞത്. വ്യക്തി സ്വാതന്ത്ര്യത്തില്‍ ഇടപെടാന്‍ സര്‍ക്കാരിന് കഴിയില്ലെന്നും കോടതി പറഞ്ഞു.
ദമ്പതികള്‍ക്കിടയിലെ വിശ്വാസവഞ്ചന കുറ്റകരമായി കാണുന്ന മൂന്ന് ഏഷ്യന്‍ രാജ്യങ്ങളിലൊന്നാണ് ദക്ഷിണ കൊറിയ. ഈ നിയമത്തിന് വിധേയമായി 5,500ലേറെ പേരാണ് 2008നു ശേഷം ശിക്ഷിക്കപ്പെട്ടിട്ടുള്ളത്. രണ്ടു വര്‍ഷത്തെ ജയില്‍ ശിക്ഷ നല്‍കാവുന്ന 1953ലെ നിയമം അസാധുവാക്കിക്കൊണ്ടാണ് കോടതിയുടെ വിധി. വിധിയെക്കുറിച്ച് അനുകൂലിച്ചും പ്രതികൂലിച്ചും നിരവധിപേര്‍ രംഗത്തെത്തിയിട്ടുണ്ട്.
എന്തായാലും വിധി വന്നതോടെ കൊറിയയില്‍ ഗര്‍ഭനിരോധന ഉപാധികള്‍ നിര്‍മ്മിക്കുന്ന കമ്പനികളുടെ ഓഹരിവില കുതിച്ചുയര്‍ന്നുവെന്നാണ് റിപ്പോര്‍ട്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha