സിറിയയില് നിലനില്പ്പിനായി ക്രൈസ്തവര് ആയുധമെടുക്കുന്നു
ന്യൂനപക്ഷ വിഭാഗമായ ക്രൈസ്തവര്ക്ക് എതിരെയുള്ള ഐ.എസിന്റെ കടന്നുകയറ്റത്തിനെതിരെ പ്രതികരിക്കാന് സിറിയയില് ക്രൈസ്തവര് സൈന്യം രൂപീകരിക്കുന്നു. കുര്ദിഷ് സൈന്യത്തിന്റെ സഹായത്തോടെയാണ് ക്രൈസ്തവര് സായുധ സേനയെ സജ്ജമാക്കുന്നത്. സിറിയയില് നിലനില്പ്പിനായി ക്രൈസ്തവര് ആയുധമെടുക്കുന്നുവര് വിമത വിഭാഗമായ സിറിയന് മിലിട്ടറി കൗണ്സിലിന്റെ കീഴില് സിറിയയിലെ അല്ഹസാഖ പ്രവശ്യയില് സായുധ സേനയുടെ പ്രവര്ത്തനം ആരംഭിച്ചതായാണ് റിപ്പോര്ട്ട്. 300 മുതല് 400 വരെ പോരാളികളെ ഉള്പ്പെടുത്തി മൂന്നു ബറ്റാലിയനായി തിരിച്ചാണ് സൈന്യത്തിന്റെ പ്രവര്ത്തനം. ക്രൈസ്തവരുടെ ആകെനിരക്ക് ആകെ ജനസംഘ്യയുടെ ഒമ്പതു ശതമാനം മാത്രമാണ്. എങ്കിലും സിറിയയിലെ വിവധ ഭാഗങ്ങളില് ഇത്തരം പോരാട്ട സംഘങ്ങള് ഉയര്ന്നുവരുന്നതായാണ് റിപ്പോര്ട്ട്.
സിറിയയിലെ രണ്ട് അസ്സിറിയന് പട്ടണങ്ങളില് നിന്നായി കഴിഞ്ഞ ദിവസം 90 ക്രൈസ്തവരെ ഐ.എസ്. തീവ്രവാദികള് തട്ടിയെടുത്തതായാണ് റിപ്പോര്ട്ട്. വിവിധ സ്ഥലങ്ങളില് നിന്നായി തട്ടിയെടുക്കപ്പെട്ട വിശ്വാസികളുടെ എണ്ണം 250 മുതല് 400 വരെയാണെന്ന അനൗദ്യോഗിക കണക്കുകളും പുറത്തുവന്നിട്ടുണ്ട്. ഐ.എസിന് എതിരായ പോരാട്ടങ്ങളില് വിദേശ രാജ്യങ്ങളുടെ സഹായങ്ങള് സ്വീകരിക്കാനും വിവിധ െ്രെകസ്തവ പോരാട്ട സംഘടനകള് ശ്രമിക്കുന്നുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
