മരണവാര്‍ത്ത മറഞ്ഞിരുന്ന അഞ്ചു വര്‍ഷം. മിഷിഗണ്‍ സ്വദേശിയായ പിയ ഫറെണ്‍കാഫി(44)നു കൂടെപ്പിറപ്പുകള്‍ ഒന്‍പതാണ്. എന്നാല്‍ അഞ്ചു വര്‍ഷം മുമ്പ് അവര്‍ മരിച്ചുപോയ വിവരം പുറംലോകമറിഞ്ഞത് കഴിഞ്ഞ ദിവസം. പോണ്ടിയാക്കിലെ വീട്ടില്‍ പാര്‍ക്ക് ചെയ്തിരുന്ന കാറില്‍നിന്ന് അവരുടെ അസ്ഥികൂടം പുറത്തെടുത്തു. അവരെ വീട്ടില്‍നിന്ന് ഒഴിവാക്കാനെത്തിയ ബാങ്ക് ഉദ്യോഗസ്ഥരാണു അസ്ഥികൂടം കണ്ടെടുത്തത്. മരണകാരണം ഇതുവരെ കണ്ടെത്തിയിട്ടില്ല.
2009 ഫെബ്രുവരി 25 നാണ് പിയയെ അവസാനമായി പുറംലോകം കണ്ടത്. വസ്തു പണയം വച്ചു ബാങ്കില്‍നിന്നു ഇവര്‍ വായ്പയെടുത്തിരുന്നു. പണം തിരിച്ചടയ്ക്കാന്‍ സോഫ്റ്റ്‌വേര്‍ സഹായത്തോടെ സംവിധാനം ഏര്‍പ്പെടുത്തിയിരുന്നു. 2013 വരെ കൃത്യമായി പണം എത്തിയിരുന്നു. പിന്നീട് പണം അടയ്ക്കാത്തതിനെ തുടര്‍ന്നു അവരെ വീട്ടില്‍നിന്ന് ഒഴിവാക്കാനാണു ബാങ്ക് ഉദ്യോഗസ്ഥര്‍ എത്തിയത്. വീടിനു മുന്നിലെ പോസ്റ്റ് ബോക്‌സ് നിറഞ്ഞുകവിഞ്ഞ നിലയില്‍ കണ്ടതാണു സംശയം ജനിപ്പിച്ചത്.
ഈ കാലയളവില്‍ പണം തിരിച്ചയ്ക്കാത്തതിനു ക്രെഡിറ്റ് കാര്‍ഡ് കമ്പനികളും പിയയ്‌ക്കെതിരേ നീക്കം നടത്തിയിരുന്നു. 2012 ല്‍ പിയയുടെ മാതാവ് മരിച്ചു. ഇതു പോലും ഇവരെ അറിയിക്കാന്‍ സഹോദരങ്ങള്‍ ശ്രദ്ധിച്ചില്ല. പിയയെക്കുറിച്ച് അന്വേഷിക്കാതിരുന്നതിനു കൃത്യമായി വിശദീകരണം നല്‍കാന്‍ സഹോദരങ്ങള്‍ക്കും കഴിയുന്നില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha