യുകെയിലെ ഡെര്‍ബിയിലുള്ള മാര്‍ട്ടിന്‍ 6 ഉം 8 ഉം വയസ്സുള്ള തന്റെ രണ്ടു പെണ്‍മക്കളുമായി പട്ടണത്തിലൊന്നു ചുറ്റാന്‍ പോയിട്ട് തിരികെ വീട്ടിലേയ്ക്കു പോകാനുള്ള ബസില്‍ കയറി. പട്ടണത്തിലേക്ക് വരാന്‍ വേണ്ടി കയറിയ ബസില്‍ വച്ചെടുത്ത ടിക്കറ്റ് നിരക്കനുസരിച്ചുള്ള പണം ഡ്രൈവറെ ഏല്‍പ്പിച്ചു. മിക്ക പാശ്ചാത്യ രാജ്യങ്ങളിലും ബസ് ഡ്രൈവര്‍ തന്നെയാണ് ടിക്കറ്റ് നല്‍കുന്നത്. എന്നാല്‍ ഡ്രൈവര്‍ ഓരോ ടിക്കറ്റിനും 1.50 പൗണ്ടു വീതം കൂടുതല്‍ പണം ആവശ്യപ്പെട്ടു.

ആ ഡബിള്‍ഡെക്കര്‍ ബസിന്റെ മുകള്‍നിലയില്‍ കുട്ടികളെ കൊണ്ടിരുത്തിയതിനുശേഷം മാര്‍ട്ടിന്‍ തിരികെ ഡ്രൈവറുടെ അടുക്കലെത്തി. സിറ്റിയിലേയ്ക്ക് വന്നപ്പോള്‍ ഇത്രയും കാശ് ടിക്കറ്റിന് കൊടുക്കേണ്ടി വന്നില്ലെന്നും, ഇപ്പോഴെന്താണ് അധികം പണം നല്‍കേണ്ടി വന്നതെന്നും അയാള്‍ ഡ്രൈവറോടു ചോദിച്ചു. ഡ്രൈവര്‍ മാര്‍ട്ടിനെ ശ്രദ്ധിക്കുന്നതായേ ഭാവിച്ചില്ല.

അരിശം കയറിയ മാര്‍ട്ടിന്‍ ബസ് കമ്പനിക്കാരോട് പരാതിപ്പെടാനായി ഡ്രൈവറോട് അയാളുടെ പേരും നമ്പരുമുള്ള ബാഡ്ജ് കാണിക്കാനാവശ്യപ്പെട്ടു. അതിനും അയാള്‍ തയ്യാറാകാതിരുന്നപ്പോള്‍ മാര്‍ട്ടിന്‍ തന്റെ ഫോണെടുത്ത് അയാളുടെ ചിത്രം പകര്‍ത്താന്‍ ശ്രമിച്ചു. ഇതു കണ്ടയുടന്‍ അയാള്‍ വണ്ടിയുടെ എഞ്ചിനും ബസിനുള്ളിലെ ലൈറ്റുകളും ഓഫ് ചെയ്തിട്ട് ഓടി മാര്‍ട്ടിന്റെ അടുക്കലെത്തി അയാളെ ആക്രമിക്കുകയായിരുന്നു.

6 അടി 10 ഇഞ്ച് ഉയരമുള്ള മാര്‍ട്ടിന്റെ നെഞ്ചോളമേ 5 അടി 10 ഇഞ്ചുകാരനായ ഡ്രൈവര്‍ക്ക് എത്തുമായിരുന്നുള്ളൂ. തന്നെ ആക്രമിക്കാനായി വരുന്ന പുരുഷനില്‍ നിന്നും ശക്തമായ ഇടിയോ തൊഴിയോ ഒക്കെ പ്രതീക്ഷിച്ചു നില്‍ക്കുകയായിരുന്നു മാര്‍ട്ടിന്‍. എന്നാല്‍ ആ ഡ്രൈവറോടി വന്ന് മാര്‍ട്ടിനെ പൂണ്ടടക്കം പിടിച്ച് അയാളുടെ നെഞ്ചത്ത് കടിച്ചു മുറിവേല്‍പ്പിക്കുകയായിരുന്നു.

മാര്‍ട്ടിന്‍ പോലീസിന്റെ സഹായം തേടി. ഡ്രൈവറെ അറസ്റ്റു ചെയ്തു. ഒടുവില്‍ കോടതിയ്ക്കു പുറത്തു വച്ച് കേസ് രാജിയാക്കണമെന്നുള്ള ഡ്രൈവറുടെ വക്കീലിന്റെ ആവശ്യ പ്രകാരം 1500 പൗണ്ട് നഷ്ടപരിഹാരമായി കൈപ്പറ്റിക്കൊണ്ട് മാര്‍ട്ടിന്‍ കേസ് ഒത്തു തീര്‍പ്പാക്കുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha